ہم سر زلف قد حور شمائل ٹھہرا
ہم سر زلف قد حور شمائل ٹھہرا لام کا خوب الف مد مقابل ٹھہرا دیدۂ تر سے جو دامن میں گرا دل ٹھہرا بہتے بہتے یہ سفینہ لب ساحل ٹھہرا کی نظر روئے کتابی پہ تو کچھ دل ٹھہرا مکتب شوق بھی قرآن کی منزل ٹھہرا نگہت گل سے پریشان ہوا اس کا دماغ خندۂ گل نہ ہوا شور عنادل ٹھہرا نجد سے قیس جو آیا مرے زنداں کی طرف دیر تک گوش بر آواز سلاسل ٹھہرا حسن جس طفل کا چمکا وہ ہوا باعث قتل جس نے تلوار سنبھالی مرا قاتل ٹھہرا خط جو نکلا رخ جاناں پہ ملا بوسۂ خال یہی دانہ فقط اس کشت کا حاصل ٹھہرا علم اک نقطہ جو مشہور تھا اے جوش جنوں غور سے کی جو نظر نقطۂ باطل ٹھہرا دور جب تک تھے تڑپتا تھا میں کیسا کیسا پاس آ کر وہ جو ٹھہرے تو مرا دل ٹھہرا کثرت داغ سے گلدستہ بنا دل تو کیا زینت باغ نہ آرائش محفل ٹھہرا دوڑتا قیس بھی آتا ہے نہایت ہی قریب اک ذرا ناقے کو اے صاحب محمل ٹھہرا دم جو بیتاب تھا مدت سے مرے سینے میں تیغ قاتل کے تلے کچھ دم بسمل ٹھہرا ہم بڑی دور سے آئے ہیں تمہارا ہے یہ حال گھر سے دروازے تک آنا کئی منزل ٹھہرا اب تک آتی ہے صدا تربت لیلیٰ سے امیرؔ ساربان اب تو خدا کے لیے محمل ٹھہرا
English rendering
Hum sar zulf qadd-e-hoor shamaail thahra Lam ka khoob alif-e-mad muqabil thahra Deedah-e-tar se jo daman mein gira dil thahra Behte behte yeh safeena lab-e-sahil thahra Ki nazar roo-e-kitabi pe to kuch dil thahra Maktab-e-shauq bhi Quran ki manzil thahra Nigahat-e-gul se pareshan hua us ka dimagh Khanda-e-gul na hua shor-e-anaadil thahra Najd se Qais jo aaya mere zindaan ki taraf Der tak gosh bar aawaz-e-salasul thahra Husn jis tifl ka chamka woh hua baais-e-qatil Jis ne talwar sambhali mera qatil thahra Khat jo nikla rukh-e-jaanan pe mila bosa-e-khaal Yehi dana faqat us kasht ka hasil thahra Ilm ek nuqta jo mashhoor tha ae josh-e-junoon Ghaur se ki jo nazar nuqta-e-batil thahra Door jab tak the tadapta tha main kaisa kaisa Paas aa kar woh jo thahare to mera dil thahra Kasrat-e-dagh se guldasta bana dil to kya Zeebat-e-baagh na aaraish-e-mehfil thahra Daudta Qais bhi aata hai nihayat hi qareeb Ek zara naaqe ko ae sahib-e-mahmil thahra Dam jo betaab tha muddat se mere seene mein Tegh-e-qatil ke tale kuch dam bismil thahra Hum badi door se aaye hain tumhara hai yeh haal Ghar se darwaze tak aana kayi manzil thahra Ab tak aati hai sada turbat-e-Laila se Ameer Sarbân ab to Khuda ke liye mahmil thahra