خنجرِ قاتل نہ کر اتنا روانی پر گھمنڈ
خنجرِ قاتل نہ کر اتنا روانی پر گھمنڈ سخت کم ظرفی ہے اک دو بوند پانی پر گھمنڈ شمع کے مانند کیا آتش زبانی پر گھمنڈ صورتِ پروانہ کر سوز نہانی پر گھمنڈ ہے اگر شمشیر قاتل کو روانی پر گھمنڈ بسملوں کو بھی ہے اپنی سخت جانی پر گھمنڈ ناز اُٹھانے کا ہے اس کے حوصلہ اے جانِ زار اب تلک تجھ کو ہے زور ناتوانی پر گھمنڈ نوبت شاہی سے آتی ہے صدا شام و سحر اور کر لے چار دن اس دار فانی پر گھمنڈ دیکھ او نادان کہ پیری کا زمانہ ہے قریب کیا لڑکپن ہے کہ کرتا ہے جوانی پر گھمنڈ چار ہی نالے ہمارے سن کے چپکی لگ گئی تھا بہت بلبل کو اپنی خوش بیانی پر گھمنڈ عفو کے قابل مرے اعمال کب ہیں اے کریم تیری رحمت پر ہے تیری مہربانی پر گھمنڈ شمع محفل شامت آئی ہے تری خاموش ہو دل جلوں کے سامنے آتش زبانی پر گھمنڈ طبع شاعر آ کے زوروں پر کرے کیوں کر نہ ناز سب کو ہوتا ہے جوانی میں جوانی پر گھمنڈ چار موجوں میں ہماری چشم تر کے رہ گیا ابر نیساں کو یہی تھا ڈر فشانی پر گھمنڈ دیکھنے والوں کی آنکھیں آپ نے دیکھی نہیں حق بجانب ہے اگر ہے لن ترانی پر گھمنڈ عاشق و معشوق اپنے اپنے عالم میں ہیں مست واں نزاکت پر تو یاں ہے ناتوانی پر گھمنڈ تو سہی کلمہ ترا پڑھوا کے چھوڑوں اے صنم زاہدوں کو ہے بہت تسبیح خوانی پر گھمنڈ سبزہ خط جلد یارب رخ پر اُس کے ہو نمود خضر کو ہے اپنی عمر جاودانی پر گھمنڈ گور میں کہتی ہے عبرت قیصر و فغفور سے کیوں نہیں کرتے ہو اب صاحب قرانی پر گھمنڈ ہے یہی تاثیر آبِ خنجر جلّاد میں چشمۂ حیواں نہ کر تو اپنے پانی پر گھمنڈ حال پر اجداد و آبا کے تفاخر کیا امیر ہیں وہ ناداں جن کو ہے قصے کہانی پر گھمنڈ
English rendering
Khanjar-e-qaatil na kar itna rawani par ghamand Sakht kam-zarfi hai ek do boond paani par ghamand Shama ke maanind kya aatish-zabani par ghamand Soorat-e-parwana kar soz-e-nihani par ghamand Hai agar shamshir-e-qaatil ko rawani par ghamand Bismilon ko bhi hai apni sakht-jaani par ghamand Naaz uthaane ka hai us ke hausla aye jaan-e-zaar Ab talak tujh ko hai zor-e-natawani par ghamand Naubat-e-shahi se aati hai sada sham-o-sahar Aur kar le chaar din is daar-e-faani par ghamand Dekh o nadaan ki peeri ka zamana hai qareeb Kya ladakpan hai ki karta hai jawani par ghamand Chaar hi naale hamare sun ke chupki lag gayi Tha bahut bulbul ko apni khush-bayani par ghamand Afw ke qaabil mere aamaal kab hain aye Kareem Teri rahmat par hai teri mehrbani par ghamand Shama-e-mehfil shamat aayi hai teri khamosh ho Dil jalon ke saamne aatish-zabani par ghamand Tab-e-shaair aa ke zoro'n par kare kyunkar na naaz Sab ko hota hai jawani mein jawani par ghamand Chaar maujon mein hamari chashm-e-tar ke reh gaya Abr-e-nisaan ko yehi tha dar-fishani par ghamand Dekhne walon ki aankhein aap ne dekhi nahin Haq bajaanib hai agar hai lan-taraani par ghamand Aashiq o maashooq apne apne aalam mein hain mast Waan nazaakat par to yaan hai natawani par ghamand Tu sahi kalma tera padhwa ke chhodoon aye sanam Zahidon ko hai bahut tasbeeh-khwani par ghamand Sabza-e-khat jald ya Rabb rukh par us ke ho namood Khizr ko hai apni umr-e-jawidani par ghamand Gor mein kehti hai ibrat Qaisar-o-Faghfoor se Kyun nahin karte ho ab sahib-qaraani par ghamand Hai yehi taaseer aab-e-khanjar-e-jallad mein Chashma-e-haiwaan na kar tu apne paani par ghamand Haal par ajdaad o aaba ke tafakhur kya Ameer Hain woh nadaan jin ko hai qisse kahani par ghamand