کسی زہرہ شمائل کا تصور ہے مرے دل میں
کسی زہرہ شمائل کا تصور ہے مرے دل میں منجم یا قمر کا ہے گزر خورشید منزل میں قدم رنجہ تو فرماؤ کوئی رہنے نہ پائے گا نکل جائیں گی جتنی آرزوئیں ہیں مرے دل میں پئے گی خوب اے قاتل غضب کا رنگ لائے گی لگائی ہے جو مہندی پیس اس کو خون بسمل میں یہی حیرت کا عالم ہے تو نظارہ کہاں مجنوں نکل بھی آئے محمل سے تو پھر لیلیٰ ہے محمل میں دوئی اٹھ جائے تو جھگڑا کہاں شیخ و برہمن کا بت آئیں سجدے کرتے شوق سے اس کعبۂ دل میں تڑپتا ہے دل صیاد بھی اس کے تڑپنے پر قیامت کا اثر ہے اضطراب مرغ بسمل میں یہ بیماری محبت کی کوئی نیرنگ ہے اے دل جہاں آیا مسیحا درد دونا ہو گیا دل میں دہان زخم نے کس کس مزے سے اس کو چوسا ہے لب شیریں کی لذت ہے زبان تیغ قاتل میں جدا ہوتی نہیں گردن سے قاتل زور کرتا ہے زبان تیغ نے لذت یہ پائی خون بسمل میں ذرا محمل سے ہٹ کر خاک اڑا او بے ادب مجنوں خیال اتنا تو کرنا چاہیے کہ کون محمل میں لگا کر وار اوچھا پھر نہ دیکھا اس طرف ہم نے قضا روتی رہی بیٹھی ہوئی پہلوئے بسمل میں نہ آمادہ ہوا ہو کوئی غمزہ اس کی شوخی پر الٰہی خیر بجلی سی چمکتی ہے مرے دل میں امیرؔ اس کی تجلی گاہ ہے دنیا جو آنکھیں ہوں وہی گل ہے گلستاں میں وہی ہے شمع محفل میں
English rendering
Kisi Zehra Shamaail ka tasavvur hai mere dil mein Munajjam ya qamar ka hai guzar khursheed manzil mein Qadam ranja to farmao koi rehne na payega Nikal jayengi jitni aarzooyein hain mere dil mein Piyegi khoob ae qatil ghazab ka rang layegi Lagayi hai jo mehndi pees us ko khoon-e-bismil mein Yehi hairat ka aalam hai to nazara kahan Majnu Nikal bhi aaye mahmil se to phir Laila hai mahmil mein Du'i uth jaye to jhagda kahan shaikh-o-brahman ka But aayein sajde karte shauq se us kaaba-e-dil mein Tadapta hai dil sayyad bhi us ke tadapne par Qayamat ka asar hai iztirab-e-murgh-e-bismil mein Yeh beemari mohabbat ki koi nairang hai ae dil Jahan aaya maseeha dard doona ho gaya dil mein Dahan-e-zakhm ne kis kis maze se us ko choosa hai Lab-e-shireen ki lazzat hai zaban-e-tegh-e-qatil mein Juda hoti nahin gardan se qatil zor karta hai Zaban-e-tegh ne lazzat yeh paayi khoon-e-bismil mein Zara mahmil se hat kar khaak uda o be-adab Majnu Khayal itna to karna chahiye ke kaun mahmil mein Laga kar waar oocha phir na dekha us taraf hum ne Qaza roti rahi baithi hui pehlo-e-bismil mein Na amada hua ho koi ghamza us ki shokhi par Ilahi khair bijli si chamakti hai mere dil mein Ameer us ki tajalli gaah hai duniya jo aankhein hon Wohi gul hai gulistan mein wohi hai shama-e-mehfil mein