مجھ مست کو مے کی بو بہت ہے
مجھ مست کو مے کی بو بہت ہے دیوانے کو ایک ہو بہت ہے موتی کی طرح جو ہو خداداد تھوڑی سی بھی آبرو بہت ہے جاتے ہیں جو صبر و ہوش جائیں مجھ کو اے درد تو بہت ہے مانند کلیم بڑھ نہ اے دل یہ درد کی گفتگو بہت ہے بے کیف ہو مے تو خم کے خم کیا اچھی ہو تو اک سبو بہت ہے کیا وصل کی شب میں مشکلیں ہیں فرصت کم آرزو بہت ہے منظور ہے خون دل جو اے یاس اپنے لیے آرزو بہت ہے اے نشتر غم ہو لاکھ تن خشک تیرے دم کو لہو بہت ہے چھیڑے وہ مژہ تو کیوں میں روؤں آنکھوں میں خلش کو مو بہت ہے غنچے کی طرح چمن میں ساقی اپنا ہی مجھے سبو بہت ہے کیا غم ہے امیرؔ اگر نہیں مال اس وقت میں آبرو بہت ہے
English rendering
Mujh mast ko may ki boo bahut hai Deewane ko ek hoo-bahoo bahut hai Moti ki tarah jo ho khuda-daada Thodi si bhi aabroo bahut hai Jaate hain jo sabr-o-hosh jaayen Mujh ko aye dard, tu bahut hai Maanind-e-Kaleem barh na aye dil Yeh dard ki guftugu bahut hai Be-kaif ho may toh khum ke khum kya Achchhi ho toh ik saboo bahut hai Kya wasl ki shab mein mushkilein hain Fursat kam, aarzoo bahut hai Manzoor hai khoon-e-dil jo aye Yaas Apne liye aarzoo bahut hai Aye nishtar-e-gham, ho laakh tan-e-khushk Tere dam ko lahoo bahut hai Chhede woh mizha toh kyun main roon Aankhon mein khalish ko moo bahut hai Ghunche ki tarah chaman mein saaqi Apna hi mujhe saboo bahut hai Kya gham hai Ameer! agar nahin maal Is waqt mein aabroo bahut hai