قاضی بھی اب تو آئے ہیں بزمِ شراب میں
قاضی بھی اب تو آئے ہیں بزمِ شراب میں ساقی ہزار شکر خدا کی جناب میں جا پائی خط نے اس کے رخِ بے نقاب میں سورج گہن پڑا شرفِ آفتاب میں دامن بھرا ہوا تھا جو اپنا شراب میں محشر کے دن بٹہائے گئے آفتاب میں رکھا یہ تم نے پائے حنائی رکاب میں یا پھول بھر دئیے طبقِ آفتاب میں تیرِ دعا نشانے پہ کیونکر نہ بیٹھتا کچھ زور تھا کماں سے سوا اضطراب میں وہ ناتواں ہوں قلعۂ آہن ہو وہ مجھے کر دے جو کوئی بند مکانِ حباب میں حاجت نہیں تو دولتِ دنیا سے کام کیا پھنستا ہے تشنہ دام فریبِ سراب میں مثلِ نفس نہ آمد و شد سے ملا فراغ جب تک رہی حیات، رہے اضطراب میں سرکش کا ہے جہاں میں دورانِ سر مآل کیونکر نہ گرد باد رہے پیچ و تاب میں چاہے جو حفظِ جان تو نہ کر اقربا سے قطع کب سوکھتے ہیں برگِ شجر آفتاب میں دل کو جلا تصور حسنِ ملیح سے ہوتی ہے بے نمک کوئی لذت، کباب میں ڈالی ہیں نفسِ شوم نے کیا کیا خرابیاں موذی کو پال کر میں پڑا کس عذاب میں اللہ رے تیز دستیِ مژگانِ رخنہ گر بے کار بند ہو گئے ان کی نقاب میں چلتا نہیں ہے ظلم تو عادل کے سامنے شیطاں ہے پردہ در کہ ہیں مہدی حجاب میں کچھ ربط حسن و عشق سے جائے عجب نہیں بلبل بنے جو بلبلہ اٹھّے گلاب میں چومے جو اس کا مصحفِ رخ زلف میں پھنسے مارِ عذاب بھی ہے طریقِ ثواب میں ساقی کچھ آج کل سے نہیں بادہ کش ہیں بند اس خاک کا خمیر ہوا ہے شراب میں جب نامہ بر کیا ہے کبوتر کو اے امیر اس نے کباب بھیجے ہیں خط کے جواب میں
English rendering
Qazi bhi ab to aaye hain bazm-e-sharaab mein Saaqi hazaar shukr Khuda ki janaab mein Jaa paayi khat ne us ke rukh-e-be-naqaab mein Sooraj gehan pada sharaf-e-aaftab mein Daaman bhara hua tha jo apna sharaab mein Mahshar ke din bithaye gaye aaftab mein Rakha yeh tum ne paaye hinaai rikaab mein Ya phool bhar diye tabaq-e-aaftab mein Teer-e-dua nishaane pe kyunkar na baithta Kuch zor tha kamaan se siwa iztiraab mein Woh natawaan hoon qila-e-aahan ho woh mujhe Kar de jo koi band makaan-e-habaab mein Haajat nahin to daulat-e-duniya se kaam kya Phansta hai tishna daam fareb-e-saraab mein Misl-e-nafas na aamad-o-shad se mila faraagh Jab tak rahi hayaat, rahe iztiraab mein Sarkash ka hai jahan mein dauraan-e-sar ma'aal Kyunkar na gard-baad rahe pech-o-taab mein Chaahe jo hifz-e-jaan to na kar aqraba se qata' Kab sookhte hain barg-e-shajar aaftab mein Dil ko jalaa tasavvur husn-e-maleeh se Hoti hai be-namak koi lazzat, kabaab mein Daali hain nafs-e-sho'um ne kya kya kharabiyan Mozi ko paal kar main pada kis azaab mein Allah re tez-dasti-e-mizhgaan-e-rakhna-gar Be-kaar band ho gaye un ki naqaab mein Chalta nahin hai zulm to aadil ke saamne Shaitaan hai parda-dar ke hain Mehdi hijaab mein Kuch rabt husn-o-ishq se jaaye ajab nahin Bulbul bane jo bulbulah utthe gulaab mein Choome jo us ka mushaf-e-rukh zulf mein phanse Maar-e-azaab bhi hai tareeq-e-sawaab mein Saaqi kuch aaj kal se nahin baada-kash hain band Is khaak ka khameer hua hai sharaab mein Jab nama-bar kiya hai kabootar ko aye Ameer Us ne kabaab bheje hain khat ke jawaab mein