رند خراب تیرا وہ مے پیے ہوئے ہے
رند خراب تیرا وہ مے پیے ہوئے ہے مدت سے جان جس پر زاہد دیے ہوئے ہے کس شان سے وہ مے کش آتا ہے مے کدہ میں قاضی سبو صراحی مفتی لیے ہوئے ہے آتا نہیں نظر کچھ گو سامنا ہے اس کا کیا بیچ میں تحیر پردہ کیے ہوئے ہے ہو کون بخیہ گر سے زخمی کا تیرے ساعی رشتہ کھنچا ہے سوزن منہ کو سیے ہوئے ہے پیر مغاں وہ کاکل مرشد ہے بادہ خوارو جمشید بھی پیالہ اس کا پیے ہوئے ہے حرمت میں دخت رز کی اصرار ہے جو اتنا یہ بات کیا ہے رند و واعظ پیے ہوئے ہے رحم اب امیرؔ پر بھی لازم ہے یار تجھ کو کب سے ڈھئی وہ تیرے در پر دیے ہوئے ہے
English rendering
Rind-e-kharāb terā vo mai piye hu'e hai Muddat se jān jis par zāhid diye hu'e hai Kis shān se vo mai-kash ātā hai mai-kade mein Qāzī subū surāhī muftī liye hu'e hai Ātā nahīñ nazar kuchh go sāmnā hai us kā Kyā bīch mein tahayyur parda kiye hu'e hai Ho kaun bakhiya-gar se zakhmī kā tere sā'ī Rishta khīñchā hai sozān muñh ko siye hu'e hai Pīr-e-mughāñ vo kākul murshid hai bāda-khvāro Jamshīd bhī piyāla us kā piye hu'e hai Hurmat mein dukht-e-raz kī isrār hai jo itnā Ye bāt kyā hai rind o vā'iz piye hu'e hai Rahm ab Amīrؔ par bhī lāzim hai yār tujh ko Kab se ḍha'ī vo tere dar par diye hu'e hai