تیرکھانے کی ہوس ہے تو جگر پیدا کر
تیرکھانے کی ہوس ہے تو جگر پیدا کر سرفروشی کی تمنا ہے تو سر پیدا کر کوہ کن کوہ کنی شیوۂ عشاق نہیں ہے جو عاشق دل معشوق میں گھر پیدا کر رنگ چاہے اگر اس باغ میں آزادی کا نکہت گل کی طرح شوق سفر پیدا کر قطرۂ اشک بنے گوہر گوش جاناں آبرو اتنی تو اے دیدۂ تر پیدا کر اڑ چلے گا ابھی اے یار ذرا بال تو کھول تجھ کو بننا ہے پری زاد تو پر پیدا کر کون سی جا ہے جہاں جلوۂ معشوق نہیں شوق دیدار اگر ہے تو نظر پیدا کر میرے ہی دل پہ گرے کاش یہ بجلی بن کر اے فلک آہ میں اتنا ہی اثر پیدا کر آخرت میں عمل نیک ہی کام آئیں گے پیش ہے تجھ کو سفر زاد سفر پیدا کر عشق حسن نمکیں کا جو اٹھانا ہے مزا پہلے کچھ ذائقۂ زخم جگر پیدا کر اپنی گردش پہ بہت ہے تجھے اے چرخ گھمنڈ جب میں جانوں کہ شب غم کی سحر پیدا کر صدمے الفت کے اٹھانے ہیں الٰہی مشکل دل اگر ایک دیا لاکھ جگر پیدا کر عشق بازی کا اگر حوصلہ رکھتا ہے امیرؔ دل جو لوہے کا تو پتھر کا جگر پیدا کر
English rendering
Teer khane ki hawas hai to jigar paida kar Sarfaroshi ki tamanna hai to sar paida kar Kohkan koh-kani shewa-e-ushshaq nahin Hai jo aashiq dil-e-mashooq mein ghar paida kar Rang chahe agar us baagh mein azadi ka Nikhat-e-gul ki tarah shauq-e-safar paida kar Qatra-e-ashk bane gauhar-e-gosh-e-jaanan Aabroo itni to ae deedah-e-tar paida kar Ud chale ga abhi ae yaar zara baal to khol Tujh ko banna hai pari zad to par paida kar Kaun si ja hai jahan jalwa-e-mashooq nahin Shauq-e-deedar agar hai to nazar paida kar Mere hi dil pe gire kaash yeh bijli ban kar Ae falak aah mein itna hi asar paida kar Aakhirat mein amal-e-nek hi kaam aayenge Pesh hai tujh ko safar zaad-e-safar paida kar Ishq-e-husn-e-namkeen ka jo uthana hai maza Pehle kuch zaaiqa-e-zakhm-e-jigar paida kar Apni gardish pe bahut hai tujhe ae charakh ghamand Jab main jaanoon ke shab-e-gham ki sahar paida kar Sadme ulfat ke uthane hain ilahi mushkil Dil agar ek diya laakh jigar paida kar Ishq-baazi ka agar hausla rakhta hai Ameer Dil jo lohe ka to patthar ka jigar paida kar