چلنے دو سب کو اپنی راہوں میں
چلنے دو سب کو اپنی راہوں میں یہ زمین سب کی ہے... یہاں اذان بھی گونجتی ہے، گھنٹیاں بھی بجتی ہیں، کہیں نیاز کے دیے جلتے ہیں، کہیں درود کی محفلیں سجی ہوتی ہیں... ہر دل اپنے عقیدے میں آباد ہے، ہر زبان اپنی صدا میں سچی۔ کوئی شبیر کا نوحہ پڑھے یا میلاد کی خوشبو بکھیرے — یہ سب محبت کے راستے ہیں، بندگی کی جھلکیاں ہیں، اور بندگی کی اصل یہ نہیں کہ دوسرا کیا کر رہا ہے، اصل یہ ہے کہ آپ کیا سوچتے ہیں، کیا بولتے ہیں، اور کیسے جیتے ہیں۔ کسی کا فرقہ بدلنے سے پہلے، خود کو بدلنے کی ضرورت ہے... کسی کے عقیدے پر تنقید کرنے سے پہلے، دل میں احترام پیدا کرنا لازم ہے... کیونکہ زبان سے نکلنے والا ایک لفظ کسی کی صدیوں کی وارثت کو زخمی کر سکتا ہے۔ آیئے! ہم اختلاف میں بھی احترام رکھیں، ہماری راہیں الگ سہی، لیکن زمین ایک ہے، خدا ایک ہے، اور اُس کے بندے بھی اُس کی رحمت کے سائے میں برابر کے شریک۔ کسی کی راہ آپ کو پسند نہ ہو، تو مت جائیے، مگر راستہ روک کر کسی کے سفر کو تلخ نہ کیجیے۔
English rendering
Chalane do sab ko apni raahon mein Yeh zameen sab ki hai... Yahan azan bhi goonjti hai, Ghantiyan bhi bajti hain, Kahin niyaz ke diye jalte hain, Kahin durood ki mehfilein saji hoti hain... Har dil apne aqeede mein abaad hai, Har zubaan apni sada mein sacchi. Koi Shabbeer ka nauha padhe ya meelaad ki khushboo bikhere — Yeh sab mohabbat ke raaste hain, bandagi ki jhalakiyaan hain, Aur bandagi ki asal yeh nahin ke doosra kya kar raha hai, Asal yeh hai ke aap kya sochte hain, kya bolte hain, aur kaise jeete hain. Kisi ka firqa badalne se pehle, Khud ko badalne ki zaroorat hai... Kisi ke aqeede par tanqeed karne se pehle, Dil mein ehtiraam paida karna laazim hai... Kyunke zubaan se nikalne wala ek lafz Kisi ki sadiyon ki warasat ko zakhmi kar sakta hai. Aayiye! Hum ikhtilaf mein bhi ehtiraam rakhein, Hamari raahein alag sahi, lekin zameen ek hai, Khuda ek hai, Aur us ke bande bhi us ki rehmat ke saye mein barabar ke shareek. Kisi ki raah aap ko pasand na ho, to mat jaaiye, Magar raasta rok kar kisi ke safar ko talkh na keejiye.