درد وراثت پا لینے سے نام نہیں چل سکتا
درد وراثت پا لینے سے نام نہیں چل سکتا عشق میں بابا ایک جنم سے کام نہیں چل سکتا بہت دنوں سے مجھ میں ہے کیفیت رونے والی درد فراواں سینے میں کہرام نہیں چل سکتا تہمت عشق مناسب ہے اور ہم پر جچتی ہے ہم ایسوں پر اور کوئی الزام نہیں چل سکتا چم چم کرتے حسن کی تم جو اشرفیاں لائے ہو اس میزان میں یہ دنیاوی دام نہیں چل سکتا آنکھ جھپکنے کی مہلت بھی کم ملتی ہے انجمؔ فقر میں کوئی تن آساں دو گام نہیں چل سکتا
English rendering
Dard virasat pa lene se naam nahin chal sakta Ishq mein Baba ek janam se kaam nahin chal sakta Bahut dinon se mujh mein hai kaifiyat rone wali Dard faraawan seene mein kohram nahin chal sakta Tuhmat-e-ishq munasib hai aur hum par jachti hai Hum aison par aur koi ilzam nahin chal sakta Cham cham karte husn ki tum jo ashrafiyan laaye ho Is mizan mein yeh dunyawi daam nahin chal sakta Aankh jhapakne ki mohlat bhi kam milti hai Anjum! Faqr mein koi tan-asaan do gaam nahin chal sakta