انجم سلیمی

English rendering

Ik dooje ko der se samjha der se yaari ki Hum donon ne ek muhabbat baari baari ki Khud par hansne walon mein hum khud bhi shamil the Hum ne bhi ji bhar kar apni dil-aazari ki Ik aansoo ne dho daali hai dil ki saari mail Ek diye ne kaat ke rakh di gehri tareeki Dil ne khud israr kiya ik mumkinah hijrat par Hum ne is majboori mein bhi khud-mukhtari ki Chaudah baras ke hijr ko imshab rukhsat karna hai Saara din so so kar jaagne ki tayyari ki Hum bhi isi duniya ke baasi the so hum ne bhi Duniya walon se thodi si duniya-daari ki Anjum! hum ushaq mein ooncha darja rakhte hain Beshaq ishq ne aisi koi sanad na jaari ki