کاغذ تھا میں دیے پہ مجھے رکھ دیا گیا
کاغذ تھا میں دیے پہ مجھے رکھ دیا گیا اک اور مرتبے پہ مجھے رکھ دیا گیا اک بے بدن کا عکس بنایا گیا ہوں میں بے آب آئینے پہ مجھے رکھ دیا گیا کچھ تو کھنچی کھنچی سی تھی ساعت وصال کی کچھ یوں بھی فاصلے پہ مجھے رکھ دیا گیا منہ مانگے دام دے کے خریدا اور اس کے بعد اک خاص زاویے پہ مجھے رکھ دیا گیا کل رات مجھ کو چوری کیا جا رہا تھا یار اور میرے جاگنے پہ مجھے رکھ دیا گیا اچھا بھلا پڑا تھا میں اپنے وجود میں دنیا کے راستے پہ مجھے رکھ دیا گیا پہلے تو میری مٹی سے مجھ کو کیا چراغ پھر میرے مقبرے پہ مجھے رکھ دیا گیا انجمؔ ہوا کے زور پہ جانا ہے اس طرف پانی کے بلبلے پہ مجھے رکھ دیا گیا
English rendering
Kaghaz tha main diye pe mujhe rakh diya gaya Ik aur martabe pe mujhe rakh diya gaya Ik be-badan ka aks banaya gaya hoon main Be-aab aaine pe mujhe rakh diya gaya Kuchh to khinchi khinchi si thi sa'at-e-wisaal ki Kuchh yun bhi faasle pe mujhe rakh diya gaya Munh maange daam de ke khareeda aur us ke baad Ik khaas zaawiya pe mujhe rakh diya gaya Kal raat mujh ko chori kiya ja raha tha yaar Aur mere jaagne pe mujhe rakh diya gaya Achha bhala pada tha main apne wajood mein Dunya ke raaste pe mujhe rakh diya gaya Pehle to meri mitti se mujh ko kiya charagh Phir mere maqbare pe mujhe rakh diya gaya Anjum hawa ke zor pe jaana hai is taraf Paani ke bulbule pe mujhe rakh diya gaya