مری اک اپنی دنیا تھی
مری اک اپنی دنیا تھی کسی ہموار بستر پر میں نیل و نیل اوندھے منہ پڑا ہوں مُجھے درکار ہیں کچھ نیند کی ٹکیاں مُجھے اک خواب میں واپس پلٹنا ہے عجب اک خواب تھا وہ مُجھے جس کے لئے سونا نہ پڑتا تھا میں سارا سارا دن اس خواب کی دیوار سے لپٹا پڑا رہتا جہاں ہر وقت گھیرے میں لئے رکھتی تھی میری موت کی خوشبو وہاں اک باغ تازہ تھا جہاں میں منہ اندھیرے سیر کو جاتے ہوئے ڈرتا نہیں تھا پری زادوں کی صحبت میں مُجھے اس خواب سے باہر نکلنے کا خیال آتا نہیں تھا اگرچہ واہموں کی زرد بیلوں نے مُجھے ڈھانپا ہوا تھا مگر پھر بھی بہت کچھ دیکھنے کو تھا مگر دیکھا نہ جاتا تھا پھٹی رہتی تھیں آنکھیں اور آنکھوں میں مرے چاروں طرف میں تھا یہ کیسی خواب کی حیرت سرا تھی جہاں چھوٹی بڑی ہر اک جسامت میں مرے چاروں طرف میں تھا بہت دن تک میں اپنے سکر میں اپنی طرف اور اپنے ہی اطراف گھن چکر بنا پھرتا رہا میں جیسے آپ ہی اپنے تعاقب میں خود اپنی سمت بڑھتا آرہا تھا میں خود کو چھو رہا تھا خود __ خود سے مل رہا تھا میں عجب مستی کا عالم تھا ،قدم سیدھے نہ پڑتے تھے زمیں لٹو کی صورت تھی مرے سر پر عجب چکر تھا میرے چار جانب میں اس چکر کی الٹی سمت گھوما کچھ قدم چلتا رہا اور تیز تر چلنے کی کوشش میں میں اپنے جذب میں سرشار اس چکر سے ٹکرایا تو چکرایا ہوا اسں خواب سے باہر نکل آیا میں گھبرایا ہوا اوپر ہی اوپر گررہا تھا مُجھے آواز دی میں نے میں خود کو تھامنے کی کوشش ناکام میں آگے بڑھا اور منہ کے بل آکر گرا اس آسماں کے نیلے اور ہموار بستر پر سو اب اس آسماں کے نیلے اور ہموار بستر پر میں نیل و نیل اوندھے منہ پڑا ہوں نیلے آسماں کا فرش کالا ہورہا ہے مرے سر پر کھڑی ہے شام پھٹا جاتا ہے سر ۔۔۔۔۔ زمیں سردرد کی ٹکیہ نہیں ہے جسے حلقوم میں رکھ کر نگلنے کے لئے دو گھونٹ کافی ہوں سمندر چاہئیں مجھ کو ۔۔۔۔۔۔۔ سمندر اوک میں بھرتے نہیں ہیں کوئی برتن نہیں ایسا میں جس برتن میں اپنی پیاس بھر لوں بس اک دل ہے مگر دل بھی بھرا بیٹھا ہے خالی آسماں سے مُجھے درکار ہیں کچھ نیند کی ٹکیاں میں اپنے خواب میں واپس پلٹنا چاہتا ہوں مری اک اپنی دنیا ہے وہی دنیا ۔۔۔۔۔۔ جو دنیا مجھ سے خالی ہوگئی ہے
English rendering
Meri ek apni dunya thi Kisi hamwaar bistar par Main neel o neel aundhe munh pada hoon Mujhe darkaar hain kuch neend ki tikiyaan Mujhe ek khwab mein wapas palatna hai Ajab ek khwab tha woh Mujhe jis ke liye sona na padta tha Main saara saara din us khwab ki deewar se lipta pada rehta Jahan har waqt ghere mein liye rakhti thi Meri maut ki khushboo Wahan ek baagh taza tha Jahan main munh andhere sair ko jaate hue darta nahin tha Pari zaadon ki sohbat mein Mujhe us khwab se bahar nikalne ka khayal aata nahin tha Agarchih wahamon ki zard belon ne mujhe dhaampa hua tha Magar phir bhi bahut kuch dekhne ko tha Magar dekha na jata tha Phati rehti thi aankhen Aur aankhon mein mere charon taraf main tha Yeh kaisi khwab ki hairat sara thi Jahan chhoti badi har ek jasamat mein Mere charon taraf main tha Bahut din tak main apne sakar mein Apni taraf aur apne hi atraaf ghan chakkar bana phirta raha Main jaise aap hi apne ta'aqub mein Khud apni simt badhta aa raha tha Main khud ko chhoo raha tha khud __ Khud se mil raha tha main Ajab masti ka alam tha, qadam seedhe na padte the Zameen lattoo ki surat thi mere sar par Ajab chakkar tha mere chaar jaanib Main is chakkar ki ulti simt ghooma Kuch qadam chalta raha aur tez-tar chalne ki koshish mein Main apne jazb mein sarshaar Us chakkar se takraya to chakraya hua Is khwab se bahar nikal aaya Main ghabraya hua upar hi upar gir raha tha Mujhe awaaz di maine Main khud ko thaamne ki koshish-e-nakaam mein aage badha Aur munh ke bal aakar gira us aasman ke neele aur hamwaar bistar par So ab is aasman ke neele aur hamwaar bistar par Main neel o neel aundhe munh pada hoon Neele aasman ka farsh kala ho raha hai Mere sar par khadi hai shaam Phatta jata hai sar..... Zameen dard-e-sar ki takiya nahin hai Jise halqum mein rakh kar nigalne ke liye do ghoont kaafi hon Samandar chahiyein mujh ko........ Samandar ook mein bharte nahin hain Koi bartan nahin aisa Main jis bartan mein apni pyaas bhar loon Bas ek dil hai Magar dil bhi bhara baitha hai khaali aasman se Mujhe darkaar hain kuch neend ki tikiyaan Main apne khwab mein wapas palatna chahta hoon Meri ek apni dunya hai Wohi dunya...... Jo dunya mujh se khaali ho gayi hai