سجدہءشکر بھی ادا نہ ہوا
سجدہءشکر بھی ادا نہ ہوا خود ہی کہا تھا جب تک جاگ رہا ہوں تب تک تم میرا بستر بن جاؤ یا پھر یوں ہی.... زانو پر سر رکھ کر لیٹا رہنے دو تھک جاؤ،... یا سو جاؤں تو بےشک میرے سر کے نیچے اینٹ کا تکیہ رکھ جانا آنکھ کھلی تو دیکھا سر کے نیچے اینٹ کا تکیہ تھا اور ماتھے پر محراب نے جگہ بنا لی تھی (کہیں نہیں تھا اس کے بدن کا ریشمی بستر کہیں نہیں تھا کانوں میں سرگوشیاں کرتا پٹ سن کے زانو کا تکیہ) جانے کب تک... کتنی عمروں..... میں اس اینٹ کو شہروں شہروں، گلیوں گلیوں لئے لئے پھرتا رہتا تھا نیند آتی تو تکیہ کرتا جاگتا تو محراب بناتا آج اک عمر کی نیند تمام ہوئی تو دیکھا میں اک اینٹ کی مسجد میں چھ فیٹ کی صف پر بچھا پڑا ہوں سر کی طرف اک پٹ سن کی سی محراب کھڑی ہے (کیا یہ پٹ سن کی سی اینٹ وہی ہے؟ یا اس کا زانو ہے؟؟!!!) حیرت اور خوشی میں، میں تو اپنا مرنا بھول گیا ہوں اب اس اینٹ کو شکرانے کا اک سجدہ مجھ پر واجب ہے (قبل اس کے مرا نامہء اعمال کھلے اور ہر صفحے پر ناشکری میں لپٹا یہی غفلت کا لمحہ حرف جلی میں لکھ دیا جائے...) اینٹ کے رخ پر، اک بوسے اور اک سجدے کا قرض ہے مجھ پر لیکن کیا ہے..... مہلت ختم ہوئی جاتی ہے مٹی کی کبڑی چھت اتنی جھکی ہوئی ہے سجدے میں جانا مشکل ہے،
English rendering
Sajda-e-shukr bhi ada na hua Khud hi kaha tha Jab tak jaag raha hoon tab tak Tum mera bistar ban jaao Ya phir yoon hi.... Zaanu par sar rakh kar leta rehne do Thak jaao,... ya so jaaoon To beshak mere sar ke neeche eent ka takiya rakh jaana Aankh khuli to dekha Sar ke neeche eent ka takiya tha Aur maathe par mehraab ne jagah bana li thi (Kahin nahin tha us ke badan ka reshmi bistar Kahin nahin tha Kaanon mein sargoshiyan karta Pat san ke zaanu ka takiya) Jaane kab tak... Kitni umron..... Main us eent ko shehron shehron, galiyon galiyon liye liye phirta rehta tha Neend aati to takiya karta Jaagta to mehraab banata Aaj ek umr ki neend tamaam hui to dekha Main ek eent ki masjid mein Chhe foot ki saf par bichha pada hoon Sar ki taraf ek pat san ki si mehraab khadi hai (Kya yeh pat san ki si eent wohi hai? Ya us ka zaanu hai??!!!) Hairat aur khushi mein, main to apna marna bhool gaya hoon Ab is eent ko shukrane ka ek sajda mujh par wajib hai (Qabl is ke mera nama-e-aamaal khule Aur har safhe par nashukri mein lipta yahi ghaflat ka lamha Harf-e-jali mein likh diya jaye...) Eent ke rukh par, ek bose aur ek sajde ka qarz hai mujh par Lekin kya hai..... Mohlat khatm hui jaati hai Mitti ki kapdi chhat itni jhuki hui hai Sajde mein jaana mushkil hai,