سلگ سلگ کے جو خود کو دھواں بناتا ہوں
سلگ سلگ کے جو خود کو دھواں بناتا ہوں زمیں کو اپنے تئیں آسماں بناتا ہوں فقط دعا سے کہاں بال و پر نکلتے ہیں میں چھت پہ بیٹھا ہوا سیڑھیاں بناتا ہوں بندھے بندھائے یقیں پر خدا نہیں کھلتا میں شک کے بیج سے کیا کیا گماں بناتا ہوں میں دائرے کی طرح بیٹھتا ہوں چاروں طرف جو منتشر ہیں انہیں درمیاں بناتا ہوں مرے وجود سے ہوتی نہیں گھٹن پیدا میں گفتگو میں نئی کھڑکیاں بناتا ہوں میں صرف لفظوں میں بینائی ہی نہیں بھرتا سماعتوں کے لیے بھی زباں بناتا ہوں
English rendering
Sulag sulag ke jo khud ko dhuaan banata hoon Zameen ko apne taeen aasmaan banata hoon Faqat dua se kahan baal-o-par niklte hain Main chhat pe baitha hua seedhiyan banata hoon Bandhe bandhaaye yaqeen par Khuda nahin khulta Main shak ke beej se kya kya gumaan banata hoon Main daaire ki tarah baithta hoon charon taraf Jo muntashir hain unhein darmiyaan banata hoon Mere wajood se hoti nahin ghutan paida Main guftugoo mein nayi khidkiyan banata hoon Main sirf lafzon mein beenai hi nahin bharta Sama'aton ke liye bhi zubaan banata hoon