اے جذب محبت تو ہی بتا کیوں کر نہ اثر لے دل ہی تو ہے
اے جذب محبت تو ہی بتا کیوں کر نہ اثر لے دل ہی تو ہے سیدھی بھی چھری ٹیڑھی بھی چھری دل دوز نظر قاتل ہی تو ہے جب ہوک اٹھے گی تڑپے گا انصاف نہ چھوڑو دل ہی تو ہے ناچند تھکن کا صبر و سکوں بسمل آخر بسمل ہی تو ہے طوفان بلا کی موجوں میں کیں بند آنکھیں اور پھاند پڑے کشتی نے جہاں ٹکر کھائی دل بول اٹھا ساحل ہی تو ہے ہے ظرف یہاں کس کا کتنا دل بس ہے اسی کا پیمانہ رونا بھی برا ہنسنا بھی برا جو بات ہے وہ مشکل ہی تو ہے ناخوش ہے تو کیا ہے خوش ہے تو کیا جیسا بھی سہی ہے تو اپنا یہ ساتھ نہیں چھٹنے والا بے کس کا سہارا دل ہی تو ہے ہیں موت کے اس جینے میں مزے غم جس کو نہ ہو وہ کیا سمجھے جب ثابت کرتے بن نہ پڑے جو دعویٰ ہے باطل ہی تو ہے تھی خضر طریق افتاد یہاں اور سنگ حوادث سنگ نشاں حد راہ طلب کی آ گئی ہاں جاتا ہے کہاں منزل ہی تو ہے دکھ دے کے الٹے دینا کیا فریاد نتیجہ ہے غم کا جب ٹھیس لگی شیشہ ٹھنکا پتھر نہ سمجھئے دل ہی تو ہے آپ آرزوؔ اب خاموش رہیں کچھ اچھی بری کھل کر نہ کہیں ہیں جتنے منہ اتنی باتیں محفل آخر محفل ہی تو ہے
English rendering
Aye jazb-e-mohabbat tu hi bata kyun kar na asar le dil hi to hai Seedhi bhi chhuri tedhi bhi chhuri dil-doz nazar qaatil hi to hai Jab hook uthegi tadpega insaaf na chhodo dil hi to hai Naachand thakan ka sabr o sukoon bismil aakhir bismil hi to hai Toofaan-e-bala ki maujon mein kee band aankhen aur phaand pade Kashti ne jahan takkar khayi dil bol utha sahil hi to hai Hai zarf yahan kis ka kitna dil bas hai isi ka paimana Rona bhi bura hansna bhi bura jo baat hai woh mushkil hi to hai Naakhush hai to kya hai khush hai to kya jaisa bhi sahi hai to apna Yeh saath nahin chhutne wala be-kas ka sahara dil hi to hai Hain maut ke is jeene mein maze gham jis ko na ho woh kya samjhe Jab saabit karte ban na pade jo daava hai baatil hi to hai Thi Khizr tareeq-e-uftaad yahan aur sang-e-hawadis sang-e-nishan Hadd-e-raah-e-talab ki aa gayi haan jaata hai kahan manzil hi to hai Dukh de ke ulte dena kya fariyaad nateeja hai gham ka Jab thes lagi sheesha thankka patthar na samjhe dil hi to hai Aap Aarzoo ab khamosh rahain kuch achchi buri khul kar na kahain Hain jitne munh utni baatein mehfil aakhir mehfil hi to hai