پھیر جو پڑنا تھا قسمت میں وہ حسب معمول پڑا
پھیر جو پڑنا تھا قسمت میں وہ حسب معمول پڑا خندۂ گل سے اڑا وہ شرارہ خرمن دل پر پھول پڑا دیکھ ادھر او نیند کے ماتے کس کی اچانک یاد آئی بیچ سے ٹوٹی ہے انگڑائی ہاتھ اٹھتے ہی جھول پڑا حسن و عشق کی ان بن کیا ہے دل کے پھنسانے کا پھندا اپنے ہاتھوں خود آفت میں جا کے یہ نامعقول پڑا کون کہے قسمت پلٹی یا مت پلٹی سیلانی کی رستہ کاٹ کے جانے والا آج ادھر بھی بھول پڑا حال نہیں جینے کے قابل آس نہیں مرنے دیتی ایڑیاں رگڑے آخر کب تک خاک پر اک مقتول پڑا جتنے حسن آباد میں پہنچے ہوش و خرد کھو کر پہنچے مال بھی تو اتنے کا نہیں اب جتنا کچھ محصول پڑا راہ وفا تھی ٹیڑھی بگڑی تھی ہر گام افتاد نئی پاؤں کسی کا ٹوٹ گیا اور ہاتھ کسی کا جھول پڑا باغ میں گلچیں ہے نہ ہے مالی بجلی ہے نہ فلک پہ سحاب عہد خزاں میں جلا ہے نشیمن آ کے کہاں سے پھول پڑا پاؤں کی طاقت طاق ہوئی تو بند کی آنکھ اور جا پہنچے آرزوؔ اس کو خوب کیا کم راستے میں جو طول پڑا
English rendering
Phir jo paṛnā thā qismat mein wo hasb-e-ma'mool paṛā Khanda-e-gul se uṛā wo sharāra-e-kharman-e-dil par phool paṛā Dekh idhar o neend ke maathe kis kī achānak yaad āī Beech se ṭooṭī hai angṛāī haath uṭhte hi jhool paṛā Husn-o-ishq kī un-ban kyā hai dil ke phansāne ka phandā Apne hāthon khud āfat mein jā ke ye nā-ma'qool paṛā Kaun kahe qismat palṭī yā mat palṭī sailānī kī Rasta kāṭ ke jaane waala aaj idhar bhi bhool paṛā Hāl nahīn jeene ke qābil aas nahīn marne detī Eṛiyān ragṛe ākhir kab tak khāk par ek maqtool paṛā Jitne husn-ābād mein pahuunche hosh-o-khirad kho kar pahuunche Maal bhi to itne ka nahīn ab jitnā kuchh mahsool paṛā Rāh-e-wafā thī ṭeṛhī bigṛī thī har gām iftād naī Pāun kisī ka ṭooṭ gayā aur haath kisī ka jhool paṛā Bāgh mein gulchīn hai na hai mālī bijlī hai na falak pe sahāb Ahd-e-khizān mein jalā hai nasheman aa ke kahān se phool paṛā Pāun kī tāqat tāq huī to band kī aankh aur jā pahuunche Aarzoo is ko khoob kiyā kam raste mein jo tool paṛā