جن راتوں میں نیند اڑ جاتی ہے کیا قہر کی راتیں ہوتی ہیں
جن راتوں میں نیند اڑ جاتی ہے کیا قہر کی راتیں ہوتی ہیں دروازوں سے ٹکرا جاتے ہیں دیواروں سے باتیں ہوتی ہیں آشوب جدائی کیا کہیے ان ہونی باتیں ہوتی ہیں آنکھوں میں اندھیرا چھاتا ہے جب اجالی راتیں ہوتی ہیں جب وہ نہیں ہوتے پہلو میں اور لمبی راتیں ہوتی ہیں یاد آ کے ستاتی رہتی ہے اور دل سے باتیں ہوتی ہیں گھر گھر کے بادل آتے ہیں اور بے برسے کھل جاتے ہیں امیدوں کی جھوٹی دنیا میں سوکھی برساتیں ہوتی ہیں امید کا سورج ڈوبا ہے آنکھوں میں اندھیرا چھایا ہے دنیائے فراق میں دن کیسا راتیں ہی راتیں ہوتی ہیں طے کرنا ہیں جھگڑے جینے کے جس طرح بنے کہتے سنتے بہروں سے بھی پالا پڑتا ہے گونگوں سے بھی باتیں ہوتی ہیں آنکھوں میں کہاں رس کی بوندیں کچھ ہے تو لہو کی لالی ہے اس بدلی ہوئی رت میں اب تو خونیں برساتیں ہوتی ہیں قسمت جاگے تو ہم سوئیں قسمت سوئے تو ہم جاگیں دونوں ہی کو نیند آئے جس میں کب ایسی راتیں ہوتی ہیں جو کان لگا کر سنتے ہیں کیا جانیں رموز محبت کے اب ہونٹ نہیں ہلنے پاتے اور پہروں باتیں ہوتی ہیں جو ناز ہے وہ اپناتا ہے جو غمزہ ہے وہ لبھاتا ہے ان رنگ برنگی پردوں میں گھاتوں پر گھاتیں ہوتی ہیں ہنسنے میں جو آنسو آتے ہیں نیرنگ جہاں بتلاتے ہیں ہر روز جنازے جاتے ہیں ہر روز براتیں ہوتی ہیں جو کچھ بھی خوشی سے ہوتا ہے یہ دل کا بوجھ نہ بن جائے پیمان وفا بھی رہنے دو سب جھوٹی باتیں ہوتی ہیں جب تک ہے دلوں میں سچائی سب ناز و نیاز وہیں تک ہیں جب خود غرضی آ جاتی ہے جل ہوتے ہیں گھاتیں ہوتی ہیں ہمت کس کی ہے جو پوچھے یہ آرزوئے سودائی سے کیوں صاحب آخر اکیلے میں یہ کس سے باتیں ہوتی ہیں
English rendering
Jin raaton mein neend uR jaati hai kya qahar ki raatein hoti hain Darwazon se Takra jaate hain deewaron se baatein hoti hain Aashob-e-judai kya kahiye in honi baatein hoti hain Aankhon mein andhera chhata hai jab ujali raatein hoti hain Jab woh nahin hote pahlu mein aur lambi raatein hoti hain Yaad aa ke sataati rahti hai aur dil se baatein hoti hain Ghar ghar ke badal aate hain aur be-barse khul jaate hain Umeedon ki jhooTi duniya mein sookhi barsaatein hoti hain Umeed ka suraj Dooba hai aankhon mein andhera chhaya hai Dunya-e-firaq mein din kaisa raatein hi raatein hoti hain Tay karna hain jhagaRe jeene ke jis tarah bane kahte sunte Bahron se bhi pala paRta hai goongon se bhi baatein hoti hain Aankhon mein kahan ras ki boondein kuch hai to lahu ki lali hai Is badli hui rut mein ab to khooni barsaatein hoti hain Qismat jaage to hum soein qismat soye to hum jaagein Donon hi ko neend aaye jis mein kab aisi raatein hoti hain Jo kaan laga kar sunte hain kya jaanein ramooz-e-mohabbat ke Ab honT nahin hilne paate aur pahron baatein hoti hain Jo naaz hai woh apnaata hai jo ghamza hai woh lubhaata hai In rang-birangi pardoon mein ghaaton par ghaatein hoti hain Hansne mein jo aansoo aate hain nairang-e-jahan batlate hain Har roz janaze jaate hain har roz baraatein hoti hain Jo kuch bhi khushi se hota hai ye dil ka bojh na ban jaaye Paiman-e-wafa bhi rahne do sab jhooTi baatein hoti hain Jab tak hai dilon mein sachchai sab naaz-o-niyaz wahin tak hain Jab khud-gharzi aa jaati hai jal hote hain ghaatein hoti hain Himmat kis ki hai jo poochhe ye Aarzoo-e-saudai se Kyun sahib akhir akele mein ye kis se baatein hoti hain