کسی گمان و یقین کی حد میں وہ شوخ پردہ نشیں نہیں ہے
کسی گمان و یقین کی حد میں وہ شوخ پردہ نشیں نہیں ہے جہاں نہ سمجھو اسی جگہ ہے جہاں سمجھ لو وہیں نہیں ہے تمہارا وعدہ ہے کیسا وعدہ کہ جس کا دل کو یقیں نہیں ہے نگین بے نقش تو ہزاروں یہ نقش ہے اور نگیں نہیں ہے تصوروں کے فریب اٹھا کر مشاہدہ وہم بن رہا ہے نظر نے کھائے ہیں اتنے دھوکے کہ دیکھ کر بھی یقیں نہیں ہے تلون اک جزر و مد ہے خود ہی تھپیڑوں میں آ پھنسی ہے کشتی خبر ہے مدت کے ڈوبے دل کی کہ آج تک تہہ نشیں نہیں ہے یہ کہتی ہے گردش زمانہ قدم تھمیں گے نہ اب کسی جا ہے یہ بھی اک آسماں کا ٹکڑا تری گلی کی زمیں نہیں ہے وفا کی حامی حمیت ان کی حریف امید غیرت ان کی نگاہیں اقرار کر رہی ہیں زباں پہ لیکن نہیں نہیں ہے ہوا جو اک دل کا داغ روشن تو ہو گئے کل چراغ روشن خیال روشن دماغ روشن بس اب اندھیرا کہیں نہیں ہے سرشک خونیں کا کل فسانہ لپیٹ رکھا ہے اک ورق میں نچوڑنے پر لہو نہ ٹپکے تو آستیں آستیں نہیں ہے ہماری ناکامیٔ وفا نے زمانے کی کھول دی ہیں آنکھیں چراغ کب کا بجھا پڑا ہے مگر اندھیرا کہیں نہیں ہے مجھی پہ کیا ہے نہیں ہے کس میں یہ بت تراشی یہ بت پرستی اگر نہ حسن نظر سے دیکھو تو کوئی بھی پھر حسیں نہیں ہے رہ اطاعت میں آرزوؔ نے قدم قدم پہ کئے ہیں سجدے جو آپ کا نقش پا نہیں ہے وہ اس کا نقش جبیں نہیں ہے
English rendering
Kisi gumaan o yaqeen ki hadd mein woh shokh parda nasheen nahin hai Jahan na samjho usi jagah hai jahan samajh lo wahin nahin hai Tumhara vaada hai kaisa vaada ke jis ka dil ko yaqeen nahin hai Nageen be-naqsh to hazaron yeh naqsh hai aur nageen nahin hai Tasawwuron ke fareb utha kar mushahidah vehm ban raha hai Nazar ne khaye hain itne dhoke ke dekh kar bhi yaqeen nahin hai Talawwun ik jazr o madd hai khud hi thaperon mein aa phansi hai kashti Khabar hai muddat ke doobe dil ki ke aaj tak teh nasheen nahin hai Yeh kehti hai gardish-e-zamana qadam thameinge na ab kisi jaa Hai yeh bhi ik aasmaan ka tukda teri gali ki zameen nahin hai Wafa ki haami himayat un ki hareem-e-umeed ghairat un ki Nigahain iqrar kar rahi hain zaban pe lekin nahin nahin hai Hua jo ik dil ka daagh roshan to ho gaye kul chiragh roshan Khayal roshan dimagh roshan bas ab andhera kahin nahin hai Sarashk khooni ka kul fasana lapet rakha hai ik waraq mein Nichodne par lahoo na tapke to aasteen aasteen nahin hai Hamari nakaami-e-wafa ne zamane ki khol di hain aankhen Chiragh kab ka bujha pada hai magar andhera kahin nahin hai Muji pe kya hai nahin hai kis mein yeh but tarashi yeh but parasti Agar na husn-e-nazar se dekho to koi bhi phir haseen nahin hai Rah-e-itaat mein Aarzoo ne qadam qadam pe kiye hain sajde Jo aap ka naqsh-e-pa nahin hai woh is ka naqsh-e-jabeen nahin hai