کیوں کسی رہ رو سے پوچھوں اپنی منزل کا پتا
کیوں کسی رہ رو سے پوچھوں اپنی منزل کا پتا موج دریا خود لگا لیتی ہے ساحل کا پتا ہے نشان لیلیٰ مقصود محمل کا پتا دل ربا ہاتھ آ گیا پایا جہاں دل کا پتا راہ الفت میں سمجھ لو دل کو گونگا رہ نما ساتھ ہے اور دے نہیں سکتا ہے منزل کا پتا کہتا ہے ناصح کہ واپس جاؤ اور میں سادہ لوح پوچھتا ہوں خود اسی سے کوئے قاتل کا پتا راہبر رہزن نہ بن جائے کہیں اس سوچ میں چپ کھڑا ہوں بھول کر رستے میں منزل کا پتا آئی اک آواز تیر اور نکلی دل سے اف پھر نہ قاتل کا نشاں پایا نہ بسمل کا پتا بانکی چتون والے محشر میں ہزاروں ہیں تو ہوں مل ہی جائے گا کسی صورت سے قاتل کا پتا اس جگہ بسمل نے دم توڑا جہاں کی خاک تھی یوں لگاتے ہیں لگانے والے منزل کا پتا پوچھنے والے نے یہ پوچھا کہ کیوں بیدل ہو کیوں اور مجھ کو مل گیا کھوئے ہوئے دل کا پتا موجیں ٹکرائی ہوئیں دشمن بھی نکلیں دوست بھی پیچھے کشتی کو ڈھکیلا دے کے ساحل کا پتا رہ گیا ہے ٹوٹ کر زخم جگر میں تیر ناز اب لگا لینا نہیں دشوار قاتل کا پتا سوختہ پروانے کشتہ شمع فرش داغ دار دے رہے ہیں رات کی گرمئ محفل کا پتا میں وفا کیش آرزوؔ اور وہ وفا نا آشنا پڑ گیا مشکل میں پا کر اپنی مشکل کا پتا
English rendering
Kyun kisi rah-rau se poochhun apni manzil ka pata Mauj-e-darya khud laga leti hai sahil ka pata Hai nishan-e-Laila maqsood-e-mehmil ka pata Dilruba haath aa gaya paya jahan dil ka pata Rah-e-ulfat mein samajh lo dil ko goonga rahnuma Saath hai aur de nahin sakta hai manzil ka pata Kahta hai naaseh ke wapas jao aur main sada-lauh Poochhta hoon khud isi se koo-e-qaatil ka pata Rahbar rahzan na ban jaaye kahin is soch mein Chup khaDa hoon bhool kar raste mein manzil ka pata Aayi ek aawaz-e-teer aur nikli dil se uff Phir na qaatil ka nishan paya na bismil ka pata Baanki chitwan wale mahshar mein hazaron hain to hon Mil hi jayega kisi soorat se qaatil ka pata Is jagah bismil ne dam toRa jahan ki khaak thi Yun lagate hain lagane wale manzil ka pata Poochhne wale ne ye poocha ke kyun bedil ho kyun Aur mujh ko mil gaya khoye hue dil ka pata Maujein Takraein huin dushman bhi niklein dost bhi Peechhe kashti ko dhakela de ke sahil ka pata Rah gaya hai TooT kar zakhm-e-jigar mein teer-e-naaz Ab laga lena nahin dushwar qaatil ka pata Sokhta parwane kushta-e-shama farsh-e-dagh-dar De rahe hain raat ki garmi-e-mahfil ka pata Main wafa-kesh Aarzoo aur woh wafa na-ashna PaR gaya mushkil mein pa kar apni mushkil ka pata