معصوم نظر کا بھولا پن للچا کے لبھانا کیا جانے
معصوم نظر کا بھولا پن للچا کے لبھانا کیا جانے دل آپ نشانہ بنتا ہے وہ تیر چلانا کیا جانے کہہ جاتی ہے کیا وہ چین جبیں یہ آج سمجھ سکتے ہیں کہیں کچھ سیکھا ہوا تو کام نہیں دل ناز اٹھانا کیا جانے چٹکی جو کلی کوئل کوکی الفت کی کہانی ختم ہوئی کیا کس نے کہی کیا کس نے سنی یہ بتا زمانہ کیا جانے تھا دیر و حرم میں کیا رکھا جس سمت گیا ٹکرا کے پھرا کس پردے کے پیچھے ہے شعلہ اندھا پروانہ کیا جانے یہ زورا زوری عشق کی تھی فطرت ہی جس نے بدل ڈالی جلتا ہوا دل ہو کر پانی آنسو بن جانا کیا جانے سجدوں سے پڑا پتھر میں گڑھا لیکن نہ مٹا ماتھے کا لکھا کرنے کو غریب نے کیا نہ کیا تقدیر بنانا کیا جانے آنکھوں کی اندھی خود غرضی کاہے کو سمجھنے دے گی کبھی جو نیند اڑا دے راتوں کی وہ خواب میں آنا کیا جانے پتھر کی لکیر ہے نقش وفا آئینہ نہ جانو تلووں کا لہرایا کرے رنگیں شعلہ دل پلٹے کھانا کیا جانے جس نالے سے دنیا بے کل ہے وہ جلتے دل کی مشعل ہے جو پہلا لوکا خود نہ سہے وہ آگ لگانا کیا جانے ہم آرزوؔ آئے بیٹھے ہیں اور وہ شرمائے بیٹھے ہیں مشتاق نظر گستاخ نہیں پردہ سرکانا کیا جانے
English rendering
Masoom nazar ka bhola-pan lalcha ke lubhana kya jaane Dil aap nishana banta hai woh teer chalana kya jaane Keh jaati hai kya woh chain jabeen yeh aaj samajh sakte hain kahin Kuch seekha hua toh kaam nahin dil naaz uthana kya jaane Chiṭki jo kali, koyal kooki, ulfat ki kahani khatam hui Kya kis ne kahi, kya kis ne suni, yeh bata zamana kya jaane Tha dair o haram mein kya rakha jis simt gaya takra ke phira Kis parde ke peeche hai shola andha parwana kya jaane Yeh zora zori ishq ki thi fitrat hi jis ne badal dali Jalta hua dil ho kar paani aansoo ban jaana kya jaane Sajdon se paḍa patthar mein gaḍha lekin na miṭa maathe ka likha Karne ko ghareeb ne kya na kiya, taqdeer banana kya jaane Aankhon ki andhi khud-gharzi kaahe ko samajhne de gi kabhi Jo neend uḍa de raaton ki woh khwab mein aana kya jaane Patthar ki lakeer hai naqsh-e-wafa, aayina na jaano talwon ka Lehraya kare rangeen shola, dil palte khana kya jaane Jis naale se duniya bekal hai woh jalte dil ki mash'al hai Jo pehla looka khud na sahe woh aag lagana kya jaane Hum Arzoo aaye baithe hain aur woh sharmaye baithe hain Mushtaq nazar gustaakh nahin, parda sarkana kya jaane