مری نگاہ کہاں دید حسن یار کہاں
مری نگاہ کہاں دید حسن یار کہاں ہو اعتبار تو پھر تاب انتظار کہاں دلوں میں فرق ہوا جب تو چاہ پیار کہاں چمن چمن ہی نہیں آئے گی بہار کہاں جسے یہ کہہ کے وہ ہنس دیں کہ قصہ اچھا ہے وہ راز کھل کے بھی ہوتا ہے آشکار کہاں امنگ تھی یہ جوانی کی یا کوئی آندھی ملا کے خاک میں ہم کو گئی بہار کہاں امیدوار بنانے سے مدعا کیا تھا جب آس تم نے دلا دی تو اب قرار کہاں ملی ہے اس لیے دو چار دن کی آزادی کہ صرف کرتا ہے دیکھیں یہ اختیار کہاں یہ شوق لے کے چلا ہے چمن سے شکل نسیم کہ دیکھیں ملتی ہے جاتی ہوئی بہار کہاں ہے ایک شرط وفا کی وہ قید بے زنجیر سب اختیار ہیں اور کچھ بھی اختیار کہاں مٹے نشاں پہ نظر کر کے رو جسے چاہے ترے ستم کی ہے تربت مرا مزار کہاں تم ایسا عہد شکن آرزوؔ سا ناامید کہو جو سچ بھی تو آتا ہے اعتبار کہاں
English rendering
Meri nigah kahan deed-e-husn-e-yar kahan Ho aitbaar to phir taab-e-intezar kahan Dilon mein farq hua jab to chah-o-pyar kahan Chaman chaman hi nahin aayegi bahaar kahan Jise ye keh ke woh hans dein ke qissa achha hai Woh raaz khul ke bhi hota hai aashkar kahan Umang thi ye jawani ki ya koi aandhi Mila ke khaak mein hum ko gayi bahaar kahan Umeedwar banane se muddaa kya tha Jab aas tum ne dila di to ab qarar kahan Mili hai is liye do chaar din ki azadi Ke sirf karta hai dekhein ye ikhtiyar kahan Ye shauq le ke chala hai chaman se shakl-e-naseem Ke dekhein milti hai jaati hui bahaar kahan Hai ek shart-e-wafa ki woh qaid-e-be-zanjeer Sab ikhtiyar hain aur kuch bhi ikhtiyar kahan MiTe nishan pe nazar kar ke ro jise chahe Tere sitam ki hai turbat mera mazar kahan Tum aisa ahd-shikan Aarzoo sa naa-ummeed Kaho jo sach bhi to aata hai aitbaar kahan