وعدہ سچا ہے کہ جھوٹا مجھے معلوم نہ تھا
وعدہ سچا ہے کہ جھوٹا مجھے معلوم نہ تھا کل بدل جائے گی دنیا مجھے معلوم نہ تھا حسن ہے مشغلۂ ظلم کو گہرا پردہ پس پردہ ہے اندھیرا مجھے معلوم نہ تھا عشق وہ شے ہے کہ چرکے بھی مزہ دیتے ہیں ورنہ قاتل ہیں حسیں کیا مجھے معلوم نہ تھا دل کی ضد اس لئے رکھ لی تھی کہ آ جائے قرار کل یہ کچھ اور کہے گا مجھے معلوم نہ تھا جھوٹی امیدوں نے کیا کیا نہ ہرے باغ لگائے وقت جھونکا ہے ہوا کا مجھے معلوم نہ تھا جتنے قسمت کے سہارے تھے وہ جھوٹے نکلے ہے بندھی مٹھیوں میں کیا مجھے معلوم نہ تھا برسوں بھٹکا کیا اور پھر بھی نہ ان تک پہونچا گھر تو معلوم تھا رستہ مجھے معلوم نہ تھا راز غم فاش نہ ہو اس لئے روکی تھی زباں چپ بھی رہ کر یہی ہوگا مجھے معلوم نہ تھا دل مزے لیتا ہے جس غم کے وہ ہے کاہش جاں زہر بھی ہوتا ہے میٹھا مجھے معلوم نہ تھا عشق آباد کے ناکے ہی سے رخصت ہوئے ہوش ہے یہ دیوانوں کی دنیا مجھے معلوم نہ تھا ہوگا امروز کی صورت میں ظہور فردا وعدہ یوں روز ٹلے گا مجھے معلوم نہ تھا آرزو ہاں بھی حسینوں کی نہیں ہوتی ہے ان کی ہر بات ہے دھوکا مجھے معلوم نہ تھا
English rendering
Vaada sachcha hai ke jhootha mujhe maloom na tha Kal badal jaayegi duniya mujhe maloom na tha Husn hai mashghala-e-zulm ko gehra parda Pas-e-parda hai andhera mujhe maloom na tha Ishq woh shai hai ke chatke bhi maza dete hain Warna qaatil hain haseen kya mujhe maloom na tha Dil ki zid is liye rakh li thi ke aa jaaye qaraar Kal yeh kuch aur kahega mujhe maloom na tha Jhooti ummeedon ne kya kya na hare baagh lagaye Waqt jhonka hai hawa ka mujhe maloom na tha Jitne qismat ke sahare the woh jhoote nikle Hai bandhi muthiyon mein kya mujhe maloom na tha Barson bhatka kya aur phir bhi na un tak pahuncha Ghar to maloom tha rasta mujhe maloom na tha Raz-e-gham faash na ho is liye roki thi zabaan Chup bhi reh kar yehi hoga mujhe maloom na tha Dil maze leta hai jis gham ke woh hai kaahish-e-jaan Zehar bhi hota hai meetha mujhe maloom na tha Ishq-abad ke naake hi se rukhsat hue hosh Hai yeh deewanon ki duniya mujhe maloom na tha Hoga imroz ki soorat mein zahoor-e-farda Vaada yoon roz talega mujhe maloom na tha Aarzoo haan bhi haseenon ki nahin hoti hai Un ki har baat hai dhoka mujhe maloom na tha