جذبوں کی ہر ایک کلی اندھی نکلی
جذبوں کی ہر ایک کلی اندھی نکلی اور محبت اس سے بھی پگلی نکلی میں بھی توڑ نہیں پائی جھوٹی رسمیں میں بھی بس اک معمولی لڑکی نکلی تم مجھ سے نفرت کیسے کر پاؤ گے میں تو اپنے جھوٹ میں بھی سچی نکلی وہ گھر جو اجلا اجلا سا لگتا تھا جھاڑا پونچھا تو کتنی مٹی نکلی سوچا تھا اس سے ہر بات چھپاؤں گی میں بھی وعدوں کی کتنی کچی نکلی جو اپنے ہاتھوں سے پھاڑ کے پھینکی تھی دل میں اک تصویر وہی رکھی نکلی
English rendering
Jazbon ki har ek kali andhi nikli Aur mohabbat is se bhi pagli nikli Main bhi tor nahin paayi jhooti rasmein Main bhi bas ek mamooli larki nikli Tum mujh se nafrat kaise kar paoge Main to apne jhoot mein bhi sachchi nikli Woh ghar jo ujla ujla sa lagta tha Jhara ponchha to kitni mitti nikli Socha tha is se har baat chhupaungi Main bhi wadon ki kitni kachchi nikli Jo apne haathon se phar ke phenki thi Dil mein ek tasveer wahi rakhi nikli