کسی تیز جھونکے کے سنگ تھی مری اوڑھنی
کسی تیز جھونکے کے سنگ تھی مری اوڑھنی کبھی سر پہ تھی کبھی اڑ گئی مری اوڑھنی وہ جو زخم خوردہ سی وحشتیں تھی نگاہ میں انہیں اپنے پلو سے جوڑتی مری اوڑھنی کوئی سائباں جو دعا سا تھا مری راہ میں وہ نہیں رہا تو کہاں رہی مری اوڑھنی وہ سنبھل سنبھل کے اٹھا رہی ہے ہر اک قدم مری لاڈلی نے جو اوڑھ لی مری اوڑھنی جو مرے نصیب کے خواب تھے وہ سراب تھے انہی موسموں میں رچی بسی مری اوڑھنی نہ کسک رہی نہ چسک رہی نہ ہی حیرتیں وہ بدل گیا تو بدل گئی مری اوڑھنی
English rendering
Kisi tez jhonke ke sang thi meri orhni Kabhi sar pe thi kabhi ur gayi meri orhni Woh jo zakhm khurda si wahshatein thi nigah mein Unhein apne pallu se jorti meri orhni Koi saibaan jo dua sa tha meri raah mein Woh nahin raha to kahan rahi meri orhni Woh sambhal sambhal ke utha rahi hai har ek qadam Meri ladli ne jo orh li meri orhni Jo mere naseeb ke khwab the woh saraab the Unhi mausamon mein rachi basi meri orhni Na kasak rahi na chasak rahi na hi hairatein Woh badal gaya to badal gayi meri orhni