لاکھ رہے شہروں میں پھر بھی اندر سے دیہاتی تھے
لاکھ رہے شہروں میں پھر بھی اندر سے دیہاتی تھے دل کے اچھے لوگ تھے لیکن تھوڑے سے جذباتی تھے اب بھی اکثر خواب میں ان کے دھندلے چہرے آتے ہیں میری گڑیا کی شادی میں جو ننھے باراتی تھے اپنے گرد لکیریں کھینچیں اور پھر ان میں قید ہوئے اس دنیا میں کھیل تھے جتنے سارے ہی طبقاتی تھے جھونپڑیوں میں رہنے والے ان کی فطرت جان گئے کبھی کبھی چڑھ آنے والے نالے جو برساتی تھے جس بادل نے سکھ برسایا جس کی چھاؤں میں پریت ملی آنکھیں کھول کے دیکھا تو وہ سب موسم لمحاتی تھے جن کو بڑا مانا تھا میں نے فرحتؔ وہ کیوں بھول گئے کچھ گوشے میرے جیون کے بالکل میرے ذاتی تھے
English rendering
Lakh rahe shahron mein phir bhi andar se dehati the Dil ke achhe log the lekin thore se jazbati the Ab bhi aksar khwab mein un ke dhundle chehre aate hain Meri guriya ki shadi mein jo nanhe baraati the Apne gird lakeerein kheenchein aur phir un mein qaid hue Is duniya mein khel the jitne saare hi tabaqati the Jhonpriyon mein rahne wale un ki fitrat jaan gaye Kabhi kabhi charh aane wale naale jo barsati the Jis baadal ne sukh barsaya jis ki chhaon mein preet mili Aankhein khol ke dekha to woh sab mausam lamhati the Jin ko bara maana tha main ne Farhat; woh kyun bhool gaye Kuchh goshe mere jeevan ke bilkul mere zaati the