سونے ہمیں کب دیتی ہے آواز کسی کی
سونے ہمیں کب دیتی ہے آواز کسی کی خوابوں میں بھی در آئی ہے آواز کسی کی جب دور جزیروں پہ کوئی جا بسے اپنا لہروں پہ سفر کرتی ہے آواز کسی کی اٹھتے ہیں قدم جب بھی کسی دشت کی جانب قدموں کو جکڑ لیتی ہے آواز کسی کی یہ لوگ تماشائی ہیں بس گیت سنیں گے کیا ان کو جو بھر آئی ہے آواز کسی کی آنکھوں میں پلٹ آتی ہے تصویر پرائی میرے لیے بینائی ہے آواز کسی کی صدیوں سے یہاں بیٹھے ہیں ہم گوش بر آواز اب تک تو نہیں آئی ہے آواز کسی کی
English rendering
Sone hamein kab deti hai aawaz kisi ki Khwabon mein bhi dar aayi hai aawaz kisi ki Jab door jazeeron pe koi ja base apna Lehron pe safar karti hai aawaz kisi ki Uthte hain qadam jab bhi kisi dasht ki janib Qadmon ko jakar leti hai aawaz kisi ki Yeh log tamashai hain bas geet sunein ge Kya un ko jo bhar aayi hai aawaz kisi ki Aankhon mein palat aati hai tasveer parai Mere liye beenai hai aawaz kisi ki Sadiyon se yahan baithe hain hum gosh bar aawaz Ab tak to nahin aayi hai aawaz kisi ki