بے سبب مسکرا رہا ہے چاند — گلزار
شاعر
بے سبب مسکرا رہا ہے چاند
بے سبب مسکرا رہا ہے چاند
کوئی سازش چھپا رہا ہے چاند
جانے کس کی گلی سے نکلا ہے
جھینپا جھینپا سا آ رہا ہے چاند
کتنا غازہ لگایا ہے منہ پر
دھول ہی دھول اڑا رہا ہے چاند
کیسا بیٹھا ہے چھپ کے پتوں میں
باغباں کو ستا رہا ہے چاند
سیدھا سادہ افق سے نکلا تھا
سر پہ اب چڑھتا جا رہا ہے چاند
چھو کے دیکھا تو گرم تھا ماتھا
دھوپ میں کھیلتا رہا ہے چاند
Be sabab muskura raha hai chand
Be sabab muskura raha hai chand
Koi sazish chhupa raha hai chand
Jaane kis ki gali se nikla hai
Jheenpa jheenpa sa aa raha hai chand
Kitna ghaza lagaya hai munh par
Dhool hi dhool uRa raha hai chand
Kaisa baitha hai chhup ke patton mein
Baaghbaan ko sata raha hai chand
Seedha sadha ufuq se nikla tha
Sar pe ab chaRhta ja raha hai chand
Chhoo ke dekha to garm tha matha
Dhoop mein khelta raha hai chand