تجھ کو دیکھا ہے جو دریا نے ادھر آتے ہوئے — گلزار
شاعر
تجھ کو دیکھا ہے جو دریا نے ادھر آتے ہوئے
تجھ کو دیکھا ہے جو دریا نے ادھر آتے ہوئے
کچھ بھنور ڈوب گئے پانی میں چکراتے ہوئے
ہم نے تو رات کو دانتوں سے پکڑ کر رکھا
چھینا جھپٹی میں افق کھلتا گیا جاتے ہوئے
میں نہ ہوں گا تو خزاں کیسے کٹے گی تیری
شوخ پتے نے کہا شاخ سے مرجھاتے ہوئے
حسرتیں اپنی بلکتیں نہ یتیموں کی طرح
ہم کو آواز ہی دے لیتے ذرا جاتے ہوئے
سی لیے ہونٹ وہ پاکیزہ نگاہیں سن کر
میلی ہو جاتی ہے آواز بھی دہراتے ہوئے
Tujh ko dekha hai jo darya ne idhar aate hue
Tujh ko dekha hai jo darya ne idhar aate hue
Kuchh bhanwar doob gaye paani mein chakrate hue
Hum ne to raat ko daanton se pakad kar rakha
Cheena jhapti mein ufuq khulta gaya jaate hue
Main na hoonga to khizan kaise kate gi teri
Shokh patte ne kaha shaakh se murjhate hue
Hasraten apni bilakti na yateemon ki tarah
Hum ko aawaaz hi de lete zara jaate hue
Si liye honth woh pakiza nigahen sun kar
Maili ho jaati hai aawaaz bhi dohrate hue