ذکر ہوتا ہے جہاں بھی مرے افسانے کا — گلزار
شاعر
ذکر ہوتا ہے جہاں بھی مرے افسانے کا
ذکر ہوتا ہے جہاں بھی مرے افسانے کا
ایک دروازہ سا کھلتا ہے کتب خانے کا
ایک سناٹا دبے پاؤں گیا ہو جیسے
دل سے اک خوف سا گزرا ہے بچھڑ جانے کا
بلبلہ پھر سے چلا پانی میں غوطے کھانے
نہ سمجھنے کا اسے وقت نہ سمجھانے کا
میں نے الفاظ تو بیجوں کی طرح چھانٹ دیئے
ایسا میٹھا ترا انداز تھا فرمانے کا
کس کو روکے کوئی رستے میں کہاں بات کرے
نہ تو آنے کی خبر ہے نہ پتا جانے کا
Zikr hota hai jahan bhi mere afsane ka
Zikr hota hai jahan bhi mere afsane ka
Ek darwaza sa khulta hai kutub khane ka
Ek sannata dabe paon gaya ho jaise
Dil se ik khauf sa guzra hai bichhad jaane ka
Bulbulah phir se chala paani mein ghote khane
Na samajhne ka use waqt na samjhane ka
Maine alfaaz to beejon ki tarah chhaant diye
Aisa meetha tera andaaz tha farmane ka
Kis ko roke koi raste mein kahan baat kare
Na to aane ki khabar hai na pata jaane ka