زندگی یوں ہوئی بسر تنہا — گلزار
شاعر
زندگی یوں ہوئی بسر تنہا
زندگی یوں ہوئی بسر تنہا
قافلہ ساتھ اور سفر تنہا
اپنے سائے سے چونک جاتے ہیں
عمر گزری ہے اس قدر تنہا
رات بھر باتیں کرتے ہیں تارے
رات کاٹے کوئی کدھر تنہا
ڈوبنے والے پار جا اترے
نقش پا اپنے چھوڑ کر تنہا
دن گزرتا نہیں ہے لوگوں میں
رات ہوتی نہیں بسر تنہا
ہم نے دروازے تک تو دیکھا تھا
پھر نہ جانے گئے کدھر تنہا
Zindagi yun hui basar tanha
Zindagi yun hui basar tanha
Qafla saath aur safar tanha
Apne saaye se chaunk jaate hain
Umr guzri hai is qadar tanha
Raat bhar baaten karte hain taare
Raat kaate koi kidhar tanha
Doobne wale paar ja utre
Naqsh-e-pa apne chhod kar tanha
Din guzarta nahin hai logon mein
Raat hoti nahin basar tanha
Hum ne darwaze tak to dekha tha
Phir na jaane gaye kidhar tanha