ذکر آئے تو مرے لب سے دعائیں نکلیں — گلزار
شاعر
ذکر آئے تو مرے لب سے دعائیں نکلیں
ذکر آئے تو مرے لب سے دعائیں نکلیں
شمع جلتی ہے تو لازم ہے شعاعیں نکلیں
وقت کی ضرب سے کٹ جاتے ہیں سب کے سینے
چاند کا چھلکا اتر جائے تو قاشیں نکلیں
دفن ہو جائیں کہ زرخیز زمیں لگتی ہے
کل اسی مٹی سے شاید مری شاخیں نکلیں
چند امیدیں نچوڑی تھیں تو آہیں ٹپکیں
دل کو پگھلائیں تو ہو سکتا ہے سانسیں نکلیں
غار کے منہ پہ رکھا رہنے دو سنگ خورشید
غار میں ہاتھ نہ ڈالو کہیں راتیں نکلیں
Zikr aaye to mere lab se duaen niklin
Zikr aaye to mere lab se duaen niklin
Shama jalti hai to lazim hai shuaen niklin
Waqt ki zarb se kat jaate hain sab ke seene
Chand ka chhilka utar jaaye to qaashein niklin
Dafn ho jaayen ke zarkhez zameen lagti hai
Kal isi mitti se shayad meri shakhain niklin
Chand ummeedein nichodi thin to aahen tapkin
Dil ko pighlaen to ho sakta hai sansen niklin
Ghar ke munh pe rakha rehne do sang-e-khursheed
Ghar mein haath na daalo kahin raaten niklin