بیتے رشتے تلاش کرتی ہے — گلزار
شاعر
بیتے رشتے تلاش کرتی ہے
بیتے رشتے تلاش کرتی ہے
خوشبو غنچے تلاش کرتی ہے
جب گزرتی ہے اس گلی سے صبا
خط کے پرزے تلاش کرتی ہے
اپنے ماضی کی جستجو میں بہار
پیلے پتے تلاش کرتی ہے
ایک امید بار بار آ کر
اپنے ٹکڑے تلاش کرتی ہے
بوڑھی پگڈنڈی شہر تک آ کر
اپنے بیٹے تلاش کرتی ہے
Beete rishte talaash karti hai
Beete rishte talaash karti hai
Khushboo ghunche talaash karti hai
Jab guzarti hai us gali se saba
Khat ke purze talaash karti hai
Apne maazi ki justuju mein bahaar
Peele patte talaash karti hai
Ek ummeed baar baar aa kar
Apne TukRe talaash karti hai
BooRhi pagDanDi shahar tak aa kar
Apne beTe talaash karti hai