دن کچھ ایسے گزارتا ہے کوئی — گلزار
شاعر
دن کچھ ایسے گزارتا ہے کوئی
دن کچھ ایسے گزارتا ہے کوئی
جیسے احساں اتارتا ہے کوئی
دل میں کچھ یوں سنبھالتا ہوں غم
جیسے زیور سنبھالتا ہے کوئی
آئنہ دیکھ کر تسلی ہوئی
ہم کو اس گھر میں جانتا ہے کوئی
پیڑ پر پک گیا ہے پھل شاید
پھر سے پتھر اچھالتا ہے کوئی
دیر سے گونجتے ہیں سناٹے
جیسے ہم کو پکارتا ہے کوئی
Din kuchh aise guzaarta hai koi
Din kuchh aise guzarta hai koi
Jaise ehsaan utarta hai koi
Dil mein kuchh yun sambhalta hoon gham
Jaise zewar sambhalta hai koi
Aaina dekh kar tasalli hu.i
Hum ko is ghar mein jaanta hai koi
PeR par pak gaya hai phal shayad
Phir se patthar uchhalta hai koi
Der se goonjte hain sannaTe
Jaise hum ko pukarta hai koi