کہیں تو گرد اڑے یا کہیں غبار دکھے — گلزار
شاعر
کہیں تو گرد اڑے یا کہیں غبار دکھے
کہیں تو گرد اڑے یا کہیں غبار دکھے
کہیں سے آتا ہوا کوئی شہسوار دکھے
خفا تھی شاخ سے شاید کہ جب ہوا گزری
زمیں پہ گرتے ہوئے پھول بے شمار دکھے
رواں ہیں پھر بھی رکے ہیں وہیں پہ صدیوں سے
بڑے اداس لگے جب بھی آبشار دکھے
کبھی تو چونک کے دیکھے کوئی ہماری طرف
کسی کی آنکھ میں ہم کو بھی انتظار دکھے
کوئی طلسمی صفت تھی جو اس ہجوم میں وہ
ہوئے جو آنکھ سے اوجھل تو بار بار دکھے
Kahin to gard uRe ya kahin ghubaar dikhe
Kahin to gard uRe ya kahin ghubaar dikhe
Kahin se aata hua koi shahsavar dikhe
Khafa thi shaakh se shayad ke jab hava guzri
Zameen pe girte hue phool be-shumaar dikhe
Rawaan hain phir bhi ruke hain vahin pe sadiyon se
BaRe udaas lage jab bhi aabshaar dikhe
Kabhi to chaunk ke dekhe koi hamari taraf
Kisi ki aankh mein hum ko bhi intizaar dikhe
Koi tilismi sifat thi jo us hujoom mein voh
Hue jo aankh se ojhal to baar baar dikhe