کوئی اٹکا ہوا ہے پل شاید — گلزار
شاعر
کوئی اٹکا ہوا ہے پل شاید
کوئی اٹکا ہوا ہے پل شاید
وقت میں پڑ گیا ہے بل شاید
لب پہ آئی مری غزل شاید
وہ اکیلے ہیں آج کل شاید
دل اگر ہے تو درد بھی ہوگا
اس کا کوئی نہیں ہے حل شاید
جانتے ہیں ثواب رحم و کرم
ان سے ہوتا نہیں عمل شاید
آ رہی ہے جو چاپ قدموں کی
کھل رہے ہیں کہیں کنول شاید
راکھ کو بھی کرید کر دیکھو
ابھی جلتا ہو کوئی پل شاید
چاند ڈوبے تو چاند ہی نکلے
آپ کے پاس ہوگا حل شاید
Koi aTka hua hai pal shayad
Koi aTka hua hai pal shayad
Vaqt mein paR gaya hai bal shayad
Lab pe aa.i meri ghazal shayad
Voh akele hain aaj kal shayad
Dil agar hai to dard bhi hoga
Is ka koi nahin hai hal shayad
Jaante hain savaab-e-rahm o karam
Un se hota nahin amal shayad
Aa rahi hai jo chaap qadmon ki
Khil rahe hain kahin kanwal shayad
Raakh ko bhi kureed kar dekho
Abhi jalta ho koi pal shayad
Chand Doobe to chand hi nikle
Aap ke paas hoga hal shayad