پیڑ کے پتوں میں ہلچل ہے خبردار سے ہیں — گلزار
شاعر
پیڑ کے پتوں میں ہلچل ہے خبردار سے ہیں
پیڑ کے پتوں میں ہلچل ہے خبردار سے ہیں
شام سے تیز ہوا چلنے کے آثار سے ہیں
ناخدا دیکھ رہا ہے کہ میں گرداب میں ہوں
اور جو پل پہ کھڑے لوگ ہیں اخبار سے ہیں
چڑھتے سیلاب میں ساحل نے تو منہ ڈھانپ لیا
لوگ پانی کا کفن لینے کو تیار سے ہیں
کل تواریخ میں دفنائے گئے تھے جو لوگ
ان کے سائے ابھی دروازوں پہ بیدار سے ہیں
وقت کے تیر تو سینے پہ سنبھالے ہم نے
اور جو نیل پڑے ہیں تری گفتار سے ہیں
روح سے چھیلے ہوئے جسم جہاں بکتے ہیں
ہم کو بھی بیچ دے ہم بھی اسی بازار سے ہیں
جب سے وہ اہل سیاست میں ہوئے ہیں شامل
کچھ عدو کے ہیں تو کچھ میرے طرف دار سے ہیں
PeR ke patton mein halchal hai khabardaar se hain
PeR ke patton mein halchal hai khabardaar se hain
Shaam se tez hava chalne ke aasaar se hain
Nakhuda dekh raha hai ke main girdaab mein hoon
Aur jo pul pe khaRe log hain akhbaar se hain
ChaRhte sailaab mein saahil ne to munh Dhaanp liya
Log paani ka kafan lene ko taiyar se hain
Kal tawarik mein dafna.e ga.e the jo log
Un ke saa.e abhi darvaazon pe bedaar se hain
Vaqt ke teer to seene pe sambhale hum ne
Aur jo neel paRe hain teri guftaar se hain
Rooh se chheele hue jism jahan bikte hain
Hum ko bhi bech de hum bhi isi baazaar se hain
Jab se voh ahl-e-siyasat mein hue hain shamil
Kuchh adoo ke hain to kuchh mere tarafdaar se hain