پھول نے ٹہنی سے اڑنے کی کوشش کی — گلزار
شاعر
پھول نے ٹہنی سے اڑنے کی کوشش کی
پھول نے ٹہنی سے اڑنے کی کوشش کی
اک طائر کا دل رکھنے کی کوشش کی
کل پھر چاند کا خنجر گھونپ کے سینے میں
رات نے میری جاں لینے کی کوشش کی
کوئی نہ کوئی رہبر رستہ کاٹ گیا
جب بھی اپنی رہ چلنے کی کوشش کی
کتنی لمبی خاموشی سے گزرا ہوں
ان سے کتنا کچھ کہنے کی کوشش کی
ایک ہی خواب نے ساری رات جگایا ہے
میں نے ہر کروٹ سونے کی کوشش کی
ایک ستارہ جلدی جلدی ڈوب گیا
میں نے جب تارے گننے کی کوشش کی
نام مرا تھا اور پتہ اپنے گھر کا
اس نے مجھ کو خط لکھنے کی کوشش کی
ایک دھوئیں کا مرغولہ سا نکلا ہے
مٹی میں جب دل بونے کی کوشش کی
Phool ne Tahni se uRne ki koshish ki
Phool ne Tahni se uRne ki koshish ki
Ek taa.ir ka dil rakhne ki koshish ki
Kal phir chand ka khanjar ghoomp ke seene mein
Raat ne meri jaan lene ki koshish ki
Koi na koi rahbar rasta kaT gaya
Jab bhi apni rah chalne ki koshish ki
Kitni lambi khamoshi se guzra hoon
Un se kitna kuchh kehne ki koshish ki
Ek hi khwab ne saari raat jagaya hai
Main ne har karvaT sone ki koshish ki
Ek sitara jaldi jaldi Doob gaya
Main ne jab taare ginne ki koshish ki
Naam mera tha aur pata apne ghar ka
Us ne mujh ko khat likhne ki koshish ki
Ek dhu.en ka marghola sa nikla hai
MiTTi mein jab dil bone ki koshish ki