شام سے آنکھ میں نمی سی ہے — گلزار
شاعر
شام سے آنکھ میں نمی سی ہے
شام سے آنکھ میں نمی سی ہے
آج پھر آپ کی کمی سی ہے
دفن کر دو ہمیں کہ سانس آئے
نبض کچھ دیر سے تھمی سی ہے
کون پتھرا گیا ہے آنکھوں میں
برف پلکوں پہ کیوں جمی سی ہے
وقت رہتا نہیں کہیں ٹک کر
عادت اس کی بھی آدمی سی ہے
آئیے راستے الگ کر لیں
یہ ضرورت بھی باہمی سی ہے
Shaam se aankh mein nami si hai
Shaam se aankh mein nami si hai
Aaj phir aap ki kami si hai
Dafn kar do humein ke saans aaye
Nabz kuchh der se thami si hai
Kaun pathra gaya hai aankhon mein
Barf palkon pe kyun jami si hai
Waqt rehta nahin kahin tik kar
Aadat us ki bhi aadmi si hai
Aaiye raaste alag kar lein
Yeh zarurat bhi baahami si hai