کربلا کی خاک پر کیا آدمی سجدے میں ہے
کربلا کی خاک پر کیا آدمی سجدے میں ہے موت رُسوا ہو چکی ہے زندگی سجدے میں ہے وہ جو اک سجدہ علی ؑ کا بچ رہا تھا وقتِ فجر فاطمہؑ کا لال شاید اب اُسی سجدے میں ہے سنتِ پیغمبرؐ خاتم ہے سجدے کا یہ طول کل نبیؐ سجدے میں تھے آج اک ولی سجدے میں ہے وہ جو عاشورہ کی شب گُل ہو گیا تھا اک چراغ اب قیامت تک اُسی کی روشنی سجدے میں ہے حشر تک جس کی قسم کھاتے رہیں گے اہلِ حق ایک نفسِ مطمئن اُس دائمی سجدے میں ہے نوکِ نیزہ پر بھی ہونی ہے تلاوت بعد عصر مصحفِ ناطق تہِ خنجر ابھی سجدے میں ہے اِس پہ حیرت کیا لرز اُٹھی زمین کربلا راکبِ دوشِ پیمبرؐ آخری سجدے میں ہے
English rendering
Karbala ki khaak par kya aadmi sajde mein hai Maut ruswa ho chuki hai zindagi sajde mein hai Woh jo ik sajda Ali (a.s.) ka bach raha tha waqt-e-fajr Fatima (s.a.) ka laal shayad ab usi sajde mein hai Sunnat-e-Paighambar-e-Khatam hai sajde ka yeh tool Kal Nabi (a.s.) sajde mein the aaj ik Wali sajde mein hai Woh jo Aashura ki shab gul ho gaya tha ik charagh Ab qayamat tak usi ki roshni sajde mein hai Hashr tak jis ki qasam khate rahen ge ahl-e-haq Ek nafs-e-mutmain us daaimi sajde mein hai Nok-e-neza par bhi honi hai tilawat ba'd-e-asr Mushaf-e-natiq teh-e-khanjar abhi sajde mein hai Is pe hairat kya laraz uthi zameen-e-Karbala Rakib-e-dosh-e-Paighambar-e-Akhiri sajde mein hai