محبت کی ایک نظم
میری زندگی میں بس اک کتاب ہے، اک چراغ ہے ایک خواب ہے اور تم ہو یہ کتاب و خواب کے درمیان جو منزلیں ہیں میں چاہتا تھا تمھارے ساتھ بسر کروں یہی کل اثاثہ زندگی ہے اسی کو زادِ سفر کروں کسی اور سمت نظر کروں تو مری دعا میں اثر نہ ہو مرے دل کے جادہٴ خوش خبر پہ بجز تمھارے کبھی کسی کا گزر نہ ہو مگر اس طرح کہ تمہیں بھی اِسکی خبر نہ ہو اسی احتياط میں ساری عمر گزر گئی وہ جو آرزو تھی کتاب و خواب کے ساتھ تم بھی شریک ہو، وہی مر گئی اِسی کشمکش نے کئی سوال اٹھائے ہیں وہ سوال جن کا جواب میری کتاب میں ہے نہ خواب میں مرے دل کے جادہٴ خوش خبر کے رفیق تم ہی بتاؤ پھر کے یہ کاروبارِ حیات کس کے حساب میں مری زندگی میں بس اک کتاب ہےاک چراغ ہے اک خواب ہےاور تم ہو!
English rendering
Meri zindagi mein bas ek kitab hai, ek charagh hai Ek khwab hai aur tum ho Yeh kitab-o-khwab ke darmiyan jo manzilen hain main chahta tha Tumhare saath basar karoon Yahi kul asasa-e-zindagi hai isi ko zaad-e-safar karoon Kisi aur simt nazar karoon to meri dua mein asar na ho Mere dil ke jada-e-khush-khabar pe bajuz tumhare kabhi kisi ka guzar na ho Magar is tarah ke tumhein bhi iski khabar na ho Usi ehtiyat mein saari umar guzar gayi Woh jo aarzoo thi kitab-o-khwab ke saath tum bhi shareek ho, wahi mar gayi Usi kashmakash ne kayi sawal uthaye hain Woh sawal jin ka jawab meri kitab mein hai na khwab mein Mere dil ke jada-e-khush-khabar ke rafeeq Tum hi batao phir ke yeh karobar-e-hayat kis ke hisab mein Meri zindagi mein bas ek kitab hai ek charagh hai Ek khwab hai aur tum ho!