افتخارعارف

English rendering

Muqaddar ho chuka hai be-dar-o-deewar rehna Kahin tai pa raha hai shehar ka mismaar rehna Namood-e-khwab ke aur inhedaam-e-khwab ke beech Qayamat marhala hai dil ka na-hamwar rehna Dilon ke darmiyan doori ke din hain aur hum ko Usi mausam mein tanha bar-sar-e-paikar rehna Andheri raat aur shor-e-saggan-e-koo-e-dushnam Aur aise mein kisi ek aankh ka bedaar rehna Tamasha karne wale aa rahe hain jooq dar jooq Guroh-e-pa-ba-jolan! raqs ko tayyar rehna Hawa-e-koo-e-qatil be-adab hone lagi hai Charagh-e-jada-e-sidq-o-safa hushiyar rehna Yeh dushwari to aasani ka khamiyaza hai warna Bahut hi sehal tha hum ko bahut dushwar rehna Idhar kuchh din se is basti ko raas aane laga hai Hum aashufta-saron ke dar pe azaar rehna