کھڑکی نامہ
مجھ میں کھڑکی بر آمد ہوئی جس کے پیچھے مرصع کئی رنگوں والے پراسرار پردے کسی نے ہلائے ہوا جن سے ہو ہو کے گزری زمیں دوز سیٹی کسی نے بجائی درختوں کے جھنڈ سے اگر تیز تر ہو کے گزری تو پتوں کے اک دوسرے سے لپٹنے کی آواز آئی کوئی جیسے ہنس ہنس کے تالی بجائے پراسرار پردوں کے پیچھے پکے پھل سے مامور شاخوں نے جھولے جھلائے ذرا آگے رنگیں افق کا کنارہ لرزتا افق کے کنارے کی سرخی اسی کھڑکی کی سمت آتی کنارے کی سرخی کا سیلاب چڑھتا لہو رنگ کی چادریں پھٹتیں چاندی کا ٹھنڈا کنواں ڈول پڑتا نکلتا وہیں سے پگھلتے ہوئے گرم سونے کا پانی نکل آتا ریلا پرانے پڑے پانی کا روپ تبدیل ہو جاتا ریلے کے پانی کی شکلیں بدل جاتیں کھڑکی سے لگتا تو لگتا اڑے جا رہے ہیں مکانات گرتے چلے جا رہے ہیں کنارے بہت گہری مٹی بہت سرخ مٹی کا ریلا نہ جس کی کوئی ابتدا ہوتی نا مختتم انت ہوتا خطرناک ریلا کھلی کھڑکی کے ساتھ لگ کر گزرتا تو پانی کی رفتار بڑھتی بھنور بننے لگتے وہاں کوئی آہن ربا کھینچتا جا رہا تھا کشش تھی کہ بڑھتی چلی جا رہی تھی ابھرتی چلی جا رہی تھی عمق والی کھائی ہر اک شے اسی گھومتی کھائی کی تہہ کی جانب اترتی چلی جا رہی تھی ہواؤں کا طوفان ریلوں کا کھڑکار آہن ربا کی ہمہ وقت بیدار منہ زور بھاری کشش سے نکلتا نہیں تھا کوئی میری جانب لپکتا نہیں تھا مہا رنگ والے تماشے کے موجب کو تکتا نہیں تھا کسی نے اسی کھڑکی کے پیچھے ہلتے مرصع پراسرار پردے ہٹائے ہٹائے وہ پردے جہاں سے ہر اک چیز زیر و زبر کرتا سیلاب اب بھی امنڈتا چلا آ رہا تھا وہیں سے وہ نکلی ہر اک شے کو تاراج کرتی مری سمت آئی سبھی چیزوں سے بچ کے اس نے اسی کھڑکی کو دیکھا کھڑکی پہ کہنی ٹکائی مجھے دیکھا کھڑکی ہٹائی
English rendering
Mujh mein khidki bar aamad hui Jis ke peechhe murassa kayi rangon wale Pur-asrar parde kisi ne hilaye Hawa jin se ho ho kar guzri Zameen doz seeti kisi ne bajayi Darakhton ke jhund se agar tez tar ho ke guzri To patton ke ek doosre se lipatne ki awaz aayi Koi jaise hans hans ke taali bajaye Pur-asrar pardon ke peechhe Pakke phal se mamoor shaakhon ne jhoole jhulaaye Zara aage rangeen ufaq ka kinara larazta Ufaq ke kinare ki surkhi isi khidki ki simt aati Kinare ki surkhi ka sailab chadhta Lahoo rang ki chadarein phatteen Chandi ka thanda kunwan dol padta Nikalta wahin se pighalte hue garam sone ka pani Nikal aata rela Purane pade pani ka roop tabdeel ho jaata Rele ke pani ki shaklein badal jatein Khidki se lagta to lagta Ude ja rahe hain makanat Girte chale ja rahe hain kinare Bahut gehri mitti bahut surkh mitti ka rela Na jis ki koi ibtida hoti na mukhtatam ant hota Khatarnak rela khuli khidki ke saath lag kar guzarta To pani ki raftaar badhti Bhanwar banne lagte Wahan koi aahan-ruba kheenchta ja raha tha Kashish thi ke badhti chali ja rahi thi Ubharti chali ja rahi thi umq wali khai Har ek shai isi ghoomti khai ki teh ki janib utarti chali ja rahi thi Hawao'n ka toofan relon ka khadkaar aahan-ruba ki Hama waqt bedaar munh zor bhari kashish se nikalta nahin tha Koi meri janib lapakta nahin tha Maha rang wale tamashe ke mujib ko takta nahin tha Kisi ne isi khidki ke peechhe hilte murassa pur-asrar parde hataaye Hataaye woh parde Jahan se har ek cheez zer-o-zabar karta sailab ab bhi umadta chala aa raha tha Wahin se woh nikli Har ek shai ko taraj karti Meri simt aayi Sabhi cheezon se bach ke us ne Isi khidki ko dekha Khidki pe kohani tikaayi Mujhe dekha Khidki hataayi