روپوش ہونے کا دن
افق والے تہہ خانے سے وہ بر آمد ہوا دن جو قرنوں پہ بھاری ہے آنکھوں کے آگے اندھیرے کا ملبہ گراتا ہے چوطرف گھیرا بناتا ہے ہیبت بڑھاتا ہے مخبر بڑے آتشی شیشے سے راستوں کا گھنا جال تکتا ہے باہر تغارے کے نیچے قدم کے نشاں کو چھپایا ہوا ہے لحد کی ذرا سی جگہ کو فلک زار گنبد بنایا ہوا ہے گھروں کی چھتیں اڑنے بجلی کڑکنے معاً قرص خورشید چھپنے سفیدی بھرے آسمانی کنارے کے تاریک ہونے کا دن آ گیا ہے شرارت سے سرشار بہنوں کے خاموش ہونے کا اور ماں کے خاموش ہونے کا دن آ گیا ہے مری ماں مری ان کہی باتیں ایسے سمجھتی تھی داؤد جیسے پرندوں کی باتیں سمجھتا تھا ماں کی محبت بھری گود آٹے کا پیڑا تھی جب میں ہمکتا تو ماں کی محبت بھری گود ایسے پگھلتی تھی داؤد کے ہاتھ میں جیسے لوہا پگھلتا تھا میں ٹوٹتا تو حرارت بھری گود میں ایسے جڑتا تھا سارہ کے خاوند کی آواز پر جس طرح مرغ جڑتا تھا اور دل تشکر سے بھرتا تھا سارہ کے خاوند کا دل ان پہاڑوں کے پیچھے کہیں پر صفا اور مروہ نہیں تھی جہاں ماں مری دوڑ سکتی پھٹے ناخنوں اور رعشہ زدہ جسم سے وہ محبت بھرے گرم پانی چمکتے ہوئے آنسوؤں جیسے پانی کی خواہش میں کیسے کنواں کھود سکتی جہاں پر نہ پانی کی روشن جبیں تھی نہ پانی تھا میں نے کہا تھا کہ ماں میرے لوہے کی صورت پگھلنے مرے مرغ کی طرح ٹکڑوں میں تقسیم ہونے کا دن آ گیا ہے زمانوں تلک تیرے رونے کا بہنوں کے خاموش ہونے کا اور میرے روپوش ہونے کا دن آ گیا ہے
English rendering
Ufaq wale tehkhane se Woh bar aamad hua din Jo qarnon pe bhaari hai Aankhon ke aage Andhere ka malba girata hai Chautaraf ghera banata hai Haibat badhata hai Mukhbir Bade aatishi sheeshe se Raaston ka ghana jaal takta hai Bahar Taghare ke neeche qadam ke nishan ko chhupaya hua hai Lahad ki zara si jagah ko Falak zar gumbad banaya hua hai Gharon ki chhaten udne bijli kadakne Maa'an qurs-e-khursheed chhipne Safedi bhare aasmani kinare ke tareek hone ka din aa gaya hai Shararat se sarshaar Behnon ke khamosh hone ka Aur maa'n ke khamosh hone ka din aa gaya hai Meri maa'n Meri an-kahi batein aise samajhti thi Dawood jaise parindon ki batein samajhta tha Maa'n ki muhabbat bhari god aate ka peda thi Jab main hamakta To maa'n ki muhabbat bhari god aise pighalti thi Dawood ke haath mein jaise loha pighalta tha Main toot'ta to Hararat bhari god mein Aise judta tha Sarah ke khawand ki awaz par Jis tarah murgh judta tha Aur dil tashakkur se bharta tha Sarah ke khawand ka dil In pahadon ke peechhe Kahin par Safa aur Marwah nahin thi Jahan maa'n meri daud sakti Phate nakhunon aur ra'asha zada jism se Woh muhabbat bhare garam pani chamakte hue aansuon jaise pani ki khwahish mein Kaise kunwan khod sakti Jahan par na pani ki roshan jabeen thi Na pani tha Maine kaha tha ke maa'n Mere lohe ki soorat pighalne mere murgh ki tarah Tukdon mein taqseem hone ka din aa gaya hai Zamanon talak Tere rone ka Behnon ke khamosh hone ka Aur mere rooposh hone ka din aa gaya hai