اک حسن باریاب سے آگے نہیں بڑھے
اک حسن باریاب سے آگے نہیں بڑھے یعنی ہم ایک خواب سے آگے نہیں بڑھے اک شہر بے مراد میں کاٹی تمام عمر اک خانۂ خراب سے آگے نہیں بڑھے تجھ کو پلٹ کے دیکھنے کے دکھ سے بچنا تھا ہم لوگ اس حساب سے آگے نہیں بڑھے آگے تو بڑھ گئے ہیں تمہارے بغیر بھی لیکن ہم آب و تاب سے آگے نہیں بڑھے ہم نے اسے گلاب دیا آگے بڑھ کے رازؔ اور پھر ہم اس گلاب سے آگے نہیں بڑھے
English rendering
Ek husn-e-baryab se aage nahin badhe Yaani hum ek khwab se aage nahin badhe Ek shahar-e-be-murad mein kaati tamam umar Ek khana kharab se aage nahin badhe Tujh ko palat ke dekhne ke dukh se bachna tha Hum log is hisaab se aage nahin badhe Aage to badh gaye hain tumhare baghair bhi Lekin hum aab-o-taab se aage nahin badhe Hum ne usay gulab diya aage badh ke Raazؔ Aur phir hum us gulab se aage nahin badhe