جان نثار اختر

English rendering

Muddat hui us jaan-e-haya ne hum se yeh iqraar kiya Jitne bhi badnaam hue hum utna us ne pyaar kiya Pehle bhi khush chashmon mein hum chaukanna se rehte thhe Teri sooyi aankhon ne to aur humein hoshiyar kiya Jaate jaate koi hum se achhe rehna keh to gaya Poochhe lekin poochhne wale kis ne yeh beemar kiya Qatra qatra sarf hua hai ishq mein apne dil ka lahoo Shakl dikhayi tab us ne jab aankhon ko khoon baar kiya Hum par kitni baar pade yeh daure tanhaai ke Jo bhi hum se milne aaya milne se inkaar kiya Ishq mein kya nuqsaan nafa hai hum ko kya samjhaate ho Hum ne saari umar hi yaaro dil ka karobaar kiya Mehfil par jab neend si chhayi sab ke sab khamosh hue Hum ne tab kuchh sh'er sunaya logon ko be daar kiya Ab tum socho ab tum jaano jo chaaho ab rang bharo Hum ne to ek naqsha kheencha ek khaaka tayyar kiya Desh se jab pardesh sudhaare hum par yeh bhi waqt pada Nazmein chhodi ghazlein chhodi geeton ka beopaar kiya