عرض الم بہ طرز تماشا بھی چاہیے
عرض الم بہ طرز تماشا بھی چاہیے دنیا کو حال ہی نہیں حلیہ بھی چاہیے اے دل کسی بھی طرح مجھے دستیاب کر جتنا بھی چاہیے اسے جیسا بھی چاہیے دکھ ایسا چاہیے کہ مسلسل رہے مجھے اور اس کے ساتھ ساتھ انوکھا بھی چاہیے اک زخم مجھ کو چاہیے میرے مزاج کا یعنی ہرا بھی چاہیے گہرا بھی چاہیے اک ایسا وصف چاہیے جو صرف مجھ میں ہو اور اس میں پھر مجھے ید طولٰی بھی چاہیے رب سخن مجھے تری یکتائی کی قسم اب کوئی سن کے بولنے والا بھی چاہیے کیا ہے جو ہو گیا ہوں میں تھوڑا بہت خراب تھوڑا بہت خراب تو ہونا بھی چاہیے ہنسنے کو صرف ہونٹ ہی کافی نہیں رہے جوادؔ شیخ اب تو کلیجہ بھی چاہیے
English rendering
Arz-e-alam ba tarz-e-tamasha bhi chahiye Duniya ko haal hi nahin huliya bhi chahiye Aye dil kisi bhi tarah mujhe dastiyab kar Jitna bhi chahiye usay jaisa bhi chahiye Dukh aisa chahiye ke musalsal rahe mujhe Aur us ke saath saath anokha bhi chahiye Ek zakhm mujh ko chahiye mere mizaaj ka Yaani hara bhi chahiye gehra bhi chahiye Ek aisa wasf chahiye jo sirf mujh mein ho Aur us mein phir mujhe yad-e-toola bhi chahiye Rabb-e-sukhan mujhe teri yaktayi ki qasam Ab koi sun ke bolne wala bhi chahiye Kya hai jo ho gaya hoon main thoda bohat kharab Thoda bohat kharab to hona bhi chahiye Hansne ko sirf hont hi kaafi nahin rahe Jawad Sheikh ab to kaleja bhi chahiye