ہم تمہیں دوسرے لوگوں سے تو اچھے پڑتے
ہم تمہیں دوسرے لوگوں سے تو اچھے پڑتے اک تو معیار بھی تھا دوسرا سستے پڑتے عشق کو سہل تو ہم بھی نہیں کہتے لیکن ہو ہی جاتا اگر اس کام کے پیچھے پڑتے وہ بھی کچھ خاص توجہ سے کہاں سنتا ہے ہم بھی ہر بات بتاتے نہیں پورے پڑتے کچھ تو ہے جو اسے ویران کیے رکھتا ہے ورنہ ایسے ہی کسی کو نہیں حلقے پڑتے ہاں مگر اب تری تصویر سے وہ ربط نہیں اک نظر دیکھ تو لیتا ہوں نکلتے پڑتے خواب میں بھی میں پہنچتا نہیں پر دیکھتا ہوں خود کو اپنی طرف آتا ہوا گرتے پڑتے
English rendering
Hum tumhein doosre logon se to achhe padte Ek to miyaar bhi tha doosra saste padte Ishq ko sehal to hum bhi nahin kehte lekin Ho hi jaata agar is kaam ke peechhe padte Woh bhi kuchh khaas tawajjoh se kahaan sunta hai Hum bhi har baat batate nahin poore padte Kuchh to hai jo usay veeran kiye rakhta hai Warna aise hi kisi ko nahin halqe padte Haan magar ab teri tasveer se woh rabt nahin Ek nazar dekh to leta hoon nikalte padte Khwab mein bhi main pahunchta nahin par dekhta hoon Khud ko apni taraf aata hua girte padte