کہاں ہٹتا ہے نگاہوں سے ہٹائے ہائے
کہاں ہٹتا ہے نگاہوں سے ہٹائے ہائے وہی منظر کہ جسے دیکھ نہ پائے ہائے کیا پتہ ساری تمنائیں دھواں ہو گئی ہوں کچھ نکلتا ہی نہیں دل سے سوائے ہائے یاد آتی ہوئی اک شکل پہ اللہ اللہ دل میں اٹھتی ہوئی ہر ٹیس پہ ہائے ہائے اس گلی جا کے بھی سجدہ نہ تمہیں یاد رہا صرف نظریں ہی جھکائے چلے آئے ہائے ساری مشکل ہی نہاں ہے مری آسانی میں کون یہ خستہ سی دیوار گرائے ہائے روز اک تازہ چلم بھر کے مجھے دے فرہاد اور پھر قیس مرے پاؤں دبائے ہائے دل کے بے کار دھڑکنے پہ کہاں خوش تھے میاں ہم تو پھولے نہ سمائے بہ صدائے ہائے جب وہ جائے تو مجھے کچھ بھی نہ بھائے جوادؔ اور جب آئے تو کچھ آئے نہ جائے ہائے
English rendering
Kahaan hatta hai nigaahon se hataaye haaye Wahi manzar ke jisay dekh na paaye haaye Kya pata saari tamannaayen dhuaan ho gayee hon Kuchh nikalta hi nahin dil se siwaaye haaye Yaad aati hui ek shakl pe Allah Allah Dil mein uthti hui har tees pe haaye haaye Us gali jaa ke bhi sajda na tumhein yaad raha Sirf nazrein hi jhukaaye chale aaye haaye Saari mushkil hi nihaan hai meri asaani mein Kaun yeh khasta si deewar giraaye haaye Roz ek taaza chilam bhar ke mujhe de Farhaad Aur phir Qais mere paaon dabaaye haaye Dil ke bekaar dhadakne pe kahaan khush thhe miyaan Hum to phoole na samaaye ba-sadaaye haaye Jab woh jaaye to mujhe kuchh bhi na bhaaye Jawaad! Aur jab aaye to kuchh aaye na jaaye haaye