کرے گا کیا کوئی میرے گلے سڑے آنسو
کرے گا کیا کوئی میرے گلے سڑے آنسو تو کیوں نہ سوکھ ہی جائیں پڑے پڑے آنسو جو یاد آئیں تو دل غم سے پھٹنے لگتا ہے کسی عزیز کی پلکوں میں وہ جڑے آنسو ہوا میں اپنی تہی دامنی سے شرمندہ کسی کی آنکھوں میں تھے یہ بڑے بڑے آنسو خزاں میں پتے بھی ایسے کہاں جھڑے ہوں گے ہماری آنکھوں سے جوں ہجر میں جھڑے آنسو میں اس خیال سے جاتے ہوئے اسے نہ ملا کہ روک لیں نہ کہیں سامنے کھڑے آنسو کسی نے ایک طرف مر کے بھی گلہ نہ کیا کسی نے دیکھتے ہی دیکھتے گھڑے آنسو مہارت ایسی کہ بس دیکھتے ہی رہ جاؤ نکالتا ہے کوئی یوں کھڑے کھڑے آنسو تمہیں کہا نا کہ بس ہو گئے جدا ہم لوگ اکھاڑتے ہو میاں کس لیے گڑے آنسو مگر جو ضبط نے طوفاں کھڑے کیے اب کے!! تمام عمر بہایا کیے بڑے آنسو عجب گداز طبیعت ہے آپ کی جوادؔ ذرا سی بات ہوئی اور چھلک پڑے آنسو
English rendering
Karega kya koi mere gale sade aansu To kyun na sookh hi jaayen pade pade aansu Jo yaad aayen to dil gham se phatne lagta hai Kisi azeez ki palkon mein woh jude aansu Hawa mein apni teehi-damani se sharminda Kisi ki aankhon mein thhe yeh bade bade aansu Khizaan mein patte bhi aise kahaan jhade honge Hamari aankhon se joon hijr mein jhade aansu Main is khayal se jaate hue usay na mila Ke rok len na kahin saamne khade aansu Kisi ne ek taraf mar ke bhi gila na kiya Kisi ne dekhte hi dekhte ghade aansu Mahaarat aisi ke bas dekhte hi reh jaao Nikaalta hai koi yoon khade khade aansu Tumhein kaha na ke bas ho gaye juda hum log Ukhaadte ho miyaan kis liye gade aansu Magar jo zabt ne toofan khade kiye ab ke!! Tamaam umar bahaya kiye bade aansu Ajab gudaz tabiyat hai aap ki Jawaad! Zara si baat hui aur chhalak pade aansu