نہیں ہے منحصر اس بات پر یاری ہماری
نہیں ہے منحصر اس بات پر یاری ہماری کہ تو کرتا رہے ناحق طرف داری ہماری اندھیرے میں ہمیں رکھنا تو خاموشی سے رکھنا کہیں بیدار ہو جائے نہ بیداری ہماری مگر اچھا تو یہ ہوتا کہ ہم اک ساتھ رہتے بھری رہتی ترے کپڑوں سے الماری ہماری ہم آسانی سے کھل جائیں مگر اک مسئلہ ہے تمہاری سطح سے اوپر ہے تہہ داری ہماری ہمیں جیتے چلے جانے پہ مائل کرنے والی یہاں کوئی نہیں لیکن سخن کاری ہماری کہانی کار نے کردار ہی ایسا دیا ہے اداکاری نہیں لگتی اداکاری ہماری
English rendering
Nahin hai munhasir is baat par yaari hamari Ki tu karta rahe nahaq taraf-dari hamari Andhere mein humein rakhna to khamoshi se rakhna Kahin bedar ho jaye na bedari hamari Magar achha to ye hota ki hum ek saath rehte Bhari rehti tere kapdon se almari hamari Hum asaani se khul jaen magar ek masla hai Tumhari satah se upar hai teh-dari hamari Humein jeete chale jaane pe mail karne wali Yahan koi nahin lekin sukhan-kari hamari Kahani-kar ne kirdar hi aisa diya hai Adakari nahin lagti adakari hamari